Page 11 - AHATA
P. 11
Diasabra, 25 April 2020 AWEMainta 11
Minister Dangui Oduber
Un team di profesional experencia riba
e tereno di cuido intensivo a yega Aruba
DIAHUEBS merdia 23 di april 2020 un team di 21
profesional cu ta consisti di medico y enfermeronan
registra y specialisa den cuido intensivo y calamidad
a yega for di Merca pa sostene y re-enforsa Hospital
pa amplia e capacidad di cuido p’asina hospital por
normalisa su cuido regular bek.
E asistencia di e profesionalnan aki for di Merca tur
ta forma parti di e pakete total di ayudo cu a wordo
manda via Hulanda pa Aruba y e otro islanan.
21 Di e 35 profesionalnan cu mester a bin Aruba a
keda ricibi pa representante di Ministerio di Salud,
Hospital, Inspectie Volksgezondheid Aruba (IVA) y
DVG.
Conforme e maneho di cuarentena n’e momentonan
aki, e personanan aki lo keda nan 14 dia den cuaren-
tana y lo sigui e protocol di hospital pa cu cuarentena
di “Zorg Verleners”. Mientrastanto nan lo cuminsa
traha riba un plan y training pa Aruba conhunta-
mente cu Hospital y Inspectie.
E tareanan cu e team aki ta bay tin ta entre otro pa
sostene e personal di ICU na Hospital y duna train-
ing riba tereno di ICU pa cu maneho di pashentnan
cu COVID-19. E team aki lo bay keda Aruba pa un
duracion di 45 dia y si tin mester lo extende esaki. E
team aki ta consisti di profesionalnan cu experiencia
amplio den cuido intensivo mundialmente.
Esaki ta un paso hopi importante cu nos como pais
mester tin p’asina e ICU su capacidad ta bon ekipa na
momento cu nos ta bay scale down.
