Page 6 - AHATA

Aeropuerto a prepara plan pa rcibi

trafico aereo 1 juni 2020

Posted on 04/24/2020 2:34 pm AST | Updated on 04/24/2020 2:35 pm AST

ORANJESTAD – Aruba Airport Authority (AAA) a prepara un plan pa ricibi trafico
aereo regular den un forma safe y controla (den volumen minimo prome) desde 1 di Juni
2020. Asina e gerente di aeropuerto Joost Meijs a bisa diabierna den un comunicado.
Segun Meijs, Aruba Airport Authority N.V. (AAA), a cuminsa prepara pa un posibel
inicio di su operacionnan. Pa por cuminsa bek cu e operacionnan regular di un
aeropuerto, tin varios factor cu mester tene cuenta cu nan, esun mas importante
naturalmente ta e decision di Gobierno di Aruba pa permiti buelonan comercial pa y for
di Aruba. Mientrastanto pues, AAA a prepara un plan pa ta prepara pa ricibi trafico aereo
regular den un forma safe y controla (den volumen minimo prome) desde 1 di Juni 2020.

E plan di re-inicio ta delinea 4 diferente fase y ta ensera proceduranan, procesonan y otro
accionnan necesario pa un re-inicio operacional. Posible rekisitonan pa
entrada/biahe/salud y medidanan local y internacional di autoridadnan, aerolineanan y
Gobierno di Aruba ta den consideracion continuo y lo wordo implementa durante cada
fase di e plan di inicio.

https://www.noticiacla.com/news/19123