Page 40 - Min.Vos 12 March 2015

Alex Schwengle: Palabra di aprecio na tur cu ta cuida
pashentnan di riñon

W ednesday, 11 March 2015 17:40
Comparti

Comunidad di Aruba ta uni na e conmemoracion di World Kidney Day riba dia 12 di maart hunto cu nos
profesionalnan di cuido di salud
cu ta forma e plataforma di salud, kendenan ta dedicando extra atencion pa promove e importancia di un
bon funcionamento di riñon. “Mi ta gradici IMSan, Dr. Horacio E. Oduber Hospitaal y tur specialista,
dokternan di cas y nursenan cu diariamente ta dedica na duna conseho, comparti informacion y asisti
pashentnan di riñon y esunnan cu risico pa bira pashent di riñon. Boso esfuersonan ta valioso y hopi
aprecia den nos comunidad”, asina Dr. Alex Schwengle, Minister di Salud Publico y Deporte a expresa
relaciona cu Siman di Riñon. Nos riñonnan ta organonan vital pa un bon funcionameno di nos curpa.
Mundo ta preocupa pasobra di 1990 pa 2012 e cantidad di pashent cu ta biba cu malesa di riñon a subi cu
un 82%. E cantidad di persona cu ta dialisa tambe a subi drasticamente y debi na tratamento aki s e
pashent ta biba mas largo. Esnan cu ta biba cu malesa di riñon ta balora e bon funcionamento di nan
riñon na momento cu nan faya. E bida di un pashent cu mester tuma dialyse ta conoce cambionan
drastico y basicamente e pashent ta ocupa tres dia pa siman cu su tratamento. Consecuentemente,
mester adapta su bida familiar , social y di trabao su forma di come, hiba un regimen estricto di bida
saludabel en general. Hemodialisis dialisis of dialisis perotoneal ta ofrece e pashent un oportunidad pa
biba, pa sigui na bida, pero e tin su impacto riba e pashent, su sernan keri y nos comunidad en general. E
miho opcion ta prevencion esaki ta encera actividad fisisco por lo menos 30 minuut pa dia, bebe 6 pa 8
glas di awa pa dia of mas si ta necesario , no uza remedinan “over the counter” tambe sumplemento pa
loco specialmente si bo tin problema cu bo riñonnan, come saudabel y evita sobrepeso. Si bo tin risico pa
bira un pashent of ta un di diabetico of bo tin presion halto, controla regularmente y sigui conseho di bo
dokter di cas “al pie de la letra”. Gobierno ta haci su banda pa ofrece e cuido medico, pero nos mester por
conta cu e aporte di nos comunidad pa cu nan mesun salud, pa asina hunto nos logra un Aruba mas
saludabel, cu mas placer di bida y un salubridad sostenibel”, di acuerdo cu e specialista medico encarga
cu maneho di salubridad. Dokternan di cas, Deperatmento di salud Publico, IbiSA y Bus di Salud semper
ta para cla pa contesta preguntanan y duna conseho pa un miho cuido. Acudi sin duda y ricibi e guia cu
abo mester y merece.

http://www.24ora.com/politica-mainmenu-18/92776-alex-schwengle-palabra-di-aprecio-na-tur-cu-ta-
cuida-pashentnan-di-rinon