Page 41 - Min.Vos 12 March 2015

Tin algun lugar ainda pa Aruba International Half
Marathon

· Mar 11th, 2015
· Deporte

IBiSA ta tuma inscripcion pa e di “30th Aruba International Half Marathon” te cu diahuebs awor dia 12 di
maart pa 4:00p.m. na su oficina principal situa na Frankrijkstraat 1 y na IBiSA Sport Centrum San Nicolas
situa na Dr. Schaepmanstraat 52.

IBiSA ta ricibi inscripcion y reaccion tambe for di atletanan di exterior, pa cual ta urgi esnan local pa
inscribi. Pues por tuma inscripcion tanten cu tin lugar disponibel. E cuponan pa participa ta yenando, pa
cual ta haci un apelacion na esnan cu no a inscribi ainda, pa haci esaki mas pronto cu ta posibel pa nan
no keda’fo.

Inscripcion ta costa Afl. 25,- pa participantenan local, mientras cu pa esnan internacional e ta costa US$.
20,-. Na momento di inscripcion bo ta ricibi un T-Shirt conmemorativo di e Half Marathon, bo number di
careda y na final di e careda tambe un medaya conmemorativo di e 30 aniversario di Aruba International
Half Marathon.

No ta tuma inscripcion riba diadomingo mainta, dia di e careda. Solamente ta check-in tur atleta presente
pa participa na e “30th Aruba International Half Marathon”. E aña aki check-in ta tuma lugar solamente
na Joe Laveist Sport Park y ta cuminsa for di 4:00a.m.
Na Alhambra Casino Parkinglot, participantenan por laga nan auto y haci uzo di e transportacion cu bus
pa Joe Laveist Sport Park. Participantenan mester tin nan ‘Bib-number’ (number di careda) bisti padilanti
riba nan t-shirt pa por subi e bus. E servicio y salida di e busnan ta tuma lugar entre 4:00a.m. y 4:30a.m.
IBiSA ta pidi tur participante cu ta haci uzo di e bus, pa nan tey trempan pa e busnan por sali rumbo pa
San Nicolas pa e check-in por tuma lugar.
Un bes mas, IBiSA ta corda tur deportista/atleta pa pasa inscribi pa bo no keda’fo.