Page 4 - AHATA

18 DEPORTE AWEMainta
Ciclista Frances a haya multa
Julien Bernard a sunchi su casa durante etapa di Tour de France
E ciclista Frances Julien Bernard a topa cu un situacion
unico durante etapa 7 di Tour De France, cu a resulta den
un multa pa loke e Union Ciclista Internacional (UCI) a
considera "comportacion inapropia". Bernard a ricibi multa
cu 200 Franco Suiso ($220) pa a para un rato pa sunchi su
casa, cu tabata cargando su yiu, durante e careda individual
di Nuits-Saint-Georges na Gevrey-Chambertin na Bordeaux.
Den un disculpa alegre riba medio social, Bernard a publica
riba X, bisando: "Mi ta lamenta cu mi a daña e imagen di
deporte", acompaña pa un emoji cu ta haci grima. El a
agrega :" Pero mi lo paga 200 Franco Suiso tur dia pa rebiba
e momento aki.”
E ruta di 25.3 kilometer a pasa door di e region natal di
Bernard, atrayendo su famia y amigo na banda di e caminda
pa anim’e. Nan tabata tene poster traha na cas cu e mensa-
henan manera "Allez jb!"y a reuni emocionadamente ora
Bernard a yega. Memey di e emocion, Bernard a para pa
sunchi su casa, kende tabata den e multitud, cargando su
yiu. E momento di afecto a conduci na e convergencia di
siguido rond di e famia prome cu nan a separa pa permiti
Bernard sigui.
Bernard a comparti un screenshot di e multa emiti pa UCI,
cu a cit’e pa un comportacion cu supuestamente a daña e
Dialuna, 8 Juli 2024
imagen di e deporte. E ciclista Frances a expresa su anhelo
pa e momento aki desde cu a anuncia e ruta na october
anterior. El a bisa e corant local Le Bien Public :"E tipo di
momento aki ta yega un biaha den bida y no ta importa si
nan multa mi. E multa a wordo splica como un comporta-
cion dañino pa e imagen di deporte. Mi casa a organisa pa
tur hende bin mira mi na e momentu ey di e careda, y mi kier
a mustra mi gratitud y gradicie pa esey.”
Reconoce amigo y famia banda di caminda durante un
momento mas relaha di e careda ta relativamente comun,
specialmente pa e ciclistanan Frances den e Tour De France.
E tradicion aki ta añadi un toke personal na e evento agot-
ador, aunke ocasionalmente ta conduci na e scrutinio di e
oficialnan di e careda.
E ciclista Danes Magnus Cort a contesta e publicacion di
Bernard riba X, compartiendo un video di dje ta sunchi su
casa banda di caminda y señalando cu humor: "Ki chansa.
Mi ta kere cu mi tabata afortuna ora nan a sinti mi falta un
par di dia pasa.”
Na contraste, e ex-ciclista Mericano Lance Armstrong a parce
menos solidario y a comenta riba un storia di Instagram:
"Oh, no, e ta para. No, no, no.”
A pesar di e reaccionnan positivo y mixto,
Bernard a keda positivo riba e incidente. Su gesto
cariñoso a ilustra e aspecto humano di deporte
profesional, unda e momentonan personal
por crusa cu e exigencianan di competencia di
riesgo halto. Bernard a termina na posicion 61 di
e etapa, despues di e ganado di e etapa, Remco
Evenepoel, pa 3 minuut y 11 seconde.