Page 13 - CMB
P. 13
ATIA: Usa ceramento di frontera di
Venezuela como periodo di evaluacion
Posted on 01/30/2018 4:52 pm AST | Updated on 01/30/2018 4:53 pm AST
ORANJESTAD - Tumando nota di e situacion di Venezuela pa loke ta e ceramento di
frontera cu e islanan Aruba, Corsou y Bonaire, ATIA ta di opinion cu esaki ta ofrece un
oportunidad pa tuma un periodo de evaluacion riba e proceso di barconan cu ta drenta
waf chikito for di Venezuela. Asina e gremio comercial a bisa den un comunicado
diamars atardi. Comercio local lo sa di reacciona y jena e bashi cu e paro aki ta causa
temporalmente. ATIA ta ricibi hopi comentario riba con e proceso ta bay na e momento
aki, caminda e instancianan necesario pa hasi un control efectivo riba e barconan cu ta
drenta di Venezuela, no tin suficiente personal pa sigura cu e control necesario ta tuma
lugar.
Esaki por tin como consecuencia cu no solamente productonan manera fruta y berdura ta
drenta nos isla, pero tambe contrabando di arma y droga. Ademas di esaki, e personanan
a bordo di e barconan por baha na Aruba si nan ta keda pa un cierto cantidad di ora riba e
isla, y esaki tambe ta habri porta pa ilegalidad y posiblemente criminalidad riba nos isla.
E ceramento di frontera por wordo tuma como un periodo pa sinta cu tur e instancianan
concerni y evalua y mehora e proceso di control riba e barconan aki procedente di
