Page 91 - DVG

Debi na esey, e trahadornan di Astec ta reclamando di varios luna caba, cu nan tin
problema respiratorio constantemente. Constantemente nan tin un ‘griep eterno’, cu
dolor di garganta cu ta regresa cada rato, wowonan hopi hincha, mareo, y hasta varios
trahador ta sinti nan mes hopi cansa. Nan ta hasta haya cu ultimo lunanan, e situacion

a empeora! Nan tin sospecho cu lo por ta un problema di sulfur cu ta pone e
trahadornan na Barcadera pasa den mas problema cu nan salud.

Y awor diripiente e Coronavirus Covid-19 a bati na porta di Aruba, y e ta un

preocupacion mas. Te cu fin di siman, ainda e Dirctor di Astec no a informa e
trahadornan nada di cualkier precaucion y medida nobo.

Trahadornan na Barcadera ta handle hopi barco cu miembronan di tripulacion, di cual

hopi di nan ta procedente di Filipinas. Ademas ora cu barconan cu auto yega Aruba, e
personal aki ta consisti grandemente di Chines, Japone, y tambe Sur Koreano. Tur
eseynan ta lugarnan cu tambe tabata hotspot di e brote di Coronavirus.

Segun Sindicato UPA, e trahadornan na Waf di Barcadera ya ta hopi vulnerable cu nan
sistema respiratorio, y sigur nan lo no por wanta un golpi di Covid-19.

E salud di e empleadonan tabata poni como Agendapunt #1 pa ultimo 3 reunion cu

gerencia. Na forma inexplicable, gerencia a cancela tur tres reunion na ultimo
momento, y di e forma ey e trahadornan na Astec no ta hayando chens di duna nan
preocupacion.

UPA ta sigui defende e salud di miembronan, y DIARIO a haya sa cu nan a manda un
carta recien pa bolbe cuestiona e caso di huma saliendo di WEB Aruba NV. Nan ta
preocupa cu aworaki riba Barcadera tin hopi otro tipo holor y rastro di quimico ta
plamando, y nan ta preocupa pa nan salud.

Corda tambe cu e Sindicato semper a pidi inzage di e cartanan cu ta existi di 2014 caba
relaciona cu investigacion di tur chemicals cu a wordo detecta riba tereno di
Barcadera. Seis a aña a pasa y nada ainda, y Mediador ta bon na altura di esaki. UPA

ta pensa, cu si acaso tin nada malo den e carta, pakico ta lage scondi.

Trahadornan a kere cu porfin a haya chens di haci nan pregunta, ora cu personal di
Salubridad Publico DVG a bay duna dos lectura na trahadornan di Astec. Pero ora cu a