Page 92 - DVG
P. 92
yega momento pa e empleadonan haci pregunta, nan a keda sorprendi riba e reaccion
di Human Resources cu a bay off riba e empleadonan (na un forma bergonzoso y nada
profesional) comosifuera cu empleadonan aki no mag di haci pregunta. Tur esaki a
yega na oido di directiva di UPA.
E miembronan di tripulacion cu ta yega Aruba riba barconan, ta cana rond, y usa mesun
porta cu tur otro hende pa drenta of sali di waf. Den pasado Sindicato UPA a yega di
pidi pa pone un entrada apart pa trahadornan. Pero e mesun entrada aki tey keto bay,
unda hendenan local y tripulantean ta drenta y sali. Pues nan ta hopi cerca. Sin conta
e empleadonan di Aruba cu ta subi barco dia aden y dia afo.
Trahadornan ta desea pa nan tin un Director cu ta mas pro-activo, mas participativo cu
nan pa hunto nan por combati cualkier peligro di Coronavirus. Pero nan no ta notando
esey at all.
Segun UPA, e zapato di Director ta kedando demasiado grandi pa e persona aki,
compara cu e dos ultimo director cu nan tabata tin. Increible pa kere cu ya seis aña a
pasa sin cu yega solucion pa un CAO nobo, pasobra e Director no kier negocia y kier
djis dicta. E problema di huma a escala riba salud di trahadornan, y awor no ta informa
trahador debidamente riba e Coronavirus.
Na Astec aworaki, pa 1 trahador solicita pa e haya un Hand Sanitizer chikito (cu kizas
costa 3 Florin), e mester pasa den asina hopi red-tape, firma documentonan na
cantidad, haya insulto, y agrega yen di drama acerca na Operations. Djis pa un
producto. Mientras cu ta free for all ora cu ta tank Gasoil riba Waf.
Mirando e director violando e protocol firma hunto cu Mediador na 2011, cu ta pa
involucra UPA den tur asunto cu tin di haber cu e Waf, nunca e Director a tene su mes
na e regla aki. E ta pone UPA den mal spot cu su mesun miembronan. Ora cu a kere
cu e lo cambia su actitud awor cu Coronavirus a yega… parce cu el a keda cu mesun
estilo di semper.
https://www.diario.aw/2020/03/upa-ta-pone-director-di-astec-responsable-directamente-si-algo-
escala-cu-coronavirus/
