Page 40 - KPA

14 detencion durante Parada di Luz na San Nicolas

Publication: Saturday, 6 February 2016. Categoria: Policial
Polis ta cla pa fin di siman ocupa

ORANJESTAD(AAN)– Aunke cu e cantidad di detencionnan ta bahando, toch ainda e ta demasiado, na opinion di
Cuerpo Policial Aruba. E cuerpo di Polis a percura pa riba 150 Polis riba pia diahuebs anochi pa compaña e parada di
luz na San Nicolas.
E parada a cuminsa na ora y a caba na ora tambe, esta 1:50am. Polis a detene no menos di 14 persona cu hunto a
haya Afl. 3.100,= na multa.
E detenidonan tabata D.A.J. di 17 aña di edad, D.A.H.A di 58 aña di edad, M.J.B di 36 aña di edad, B.A.C di 15 aña di
edad, E.A.J.L di 17 aña di edad, R.J.H di 20 aña di edad, K.J.W di 16 aña di edad, J.G.M di 28 aña di edad, A.M.T di
18 aña di edad, R.O di 52 aña di edad, Y.E.T di 31 aña di edad, O.I.G di 16 aña di edad, R.H.C di 17 aña di edad y
L.P di 38 aña di edad.
Mester menciona cu mayoria di e detenidonan ta biba pariba di brug mes y mayoria ta local, cu excecion di un naci
na Hulanda, un na Haiti y un na Republica Dominicana. Tambe por observa cu mayoria ta di edad relativamente
hoben, algun hasta menor di edad!
E delitonan cometi pa cual a detene tur e 14 sospechosonan aki ta debi na portacion ilegal di arma, buracheria
publico, stroba parada di carnaval, no sigui ordo di Polis y bringamento.
Den comparacion, na aña 2014 tabatin 8 detenido y Afl. 4.100,= pero aña pasa tabatin no menos di 31 detencion
durante e mesun parada cu Afl. 6.400,= na multa.
Polis ta adverti cu control lo continua. E obhetivo ta pa tur hende gosa carnaval, tanto den e paradanan como den
banda. E nivel di tolerancia tey, pero ora surpasa esaki, ta opta pa hiba Warda di Polis pa no daña carnaval di
otronan.

http://www.diario.aw/2016/02/14-detencion-durante-parada-di-luz-na-san-nicolas/