Page 44 - KPA

PersonadiParkietenbostabatabuscaautopahortatenaPosChikito

Publication: Saturday, 6 February 2016. Categoria: Policial
El a keda deteni

ORANJESTAD (AAN): En corto: Danki na ciudadano atento a gara hende cu tabata preparando
pa horta un auto na altura di rotonde Pos Chikito.
Diahuebs anochi algo prome cu 12’or, un automobilista a pasa dilanti di e rotonde di Pos Chikito
y el a ripara un homber cu un actuacion straño.
E automobilista a dicidi di bolbe back den e area pa wak ta kico e homber ta haciendo.
Den esaki el a nota cu e homber tabata tin intencion di horta un auto Hyundai blauw cu number
A-60065 cu tabata para pa bende. Ya caba el a kibra e door-handle, y a desmantele. E
automobilista mesora e tuma contacto cu polis pa asina informa kico precisamente ta pasando.
E sospechosonan coriendo un Suzuki Jimny blanco, buscando forma pa horta e auto, a ripara cu
tin hende ta mirando nan. Esey a pone nan spanta, y claramente a mira con nan a core rek un
careda na pia, drenta auto, y cuminza move.
E ora ey ainda Polis no a yega, pero e automobilista no a vacila y a dicidi di sali nan tras pa wak
unda e Suzuki ta bayendo. Via celular e tabata informando Polis di e ruta.
Pero e Suzuki Jimmy a core bay cu mucho speed y e ciudadano atento a perde e vehiculo
sospechoso for di bista. El a yuda polis si y danki na su persecucion polis a logra sera un area
caminda cu e sospechoso lo mester ta.
Mey ora despues miembronan di motor brigade a logra topa e Jimny den cura di cas na
Parkietenbos.
Mesora a dirigi otro patruyanan na e cas. Aki a bin ripara cu e sospechosonan a yega cas,
sconde e Suzuki Jimny den cura, pasa man pa screwdriver, y kita e nummerplaat y haci manera
nada a pasa. Pero ainda e capa di motor ta cayente cayente.
Polis a inspecciona e Suzuki bon y a logra detene e sospechoso cu a ser mira purbando di horta
e auto. Dog catcher a bin buske y polis a confisca e Suzuki Jimmy tambe.
Awor Recherche y e Team Special di hortamento di auto, ta bay cuminza coba pa haya sa mas
di e persona aki. Pa asina haya sa den cuanto caso e lo por ta envolvi.
Ademas, esaki ta demostra e peligro di laga bo auto poni den un area habri cu “For Sale” riba
bo vehiculo. Por poco nan a horta esaki.