Page 46 - KPA

search

Rescate na Lagabena pa anciano perdi pa algun dia den mondi

Publication: Saturday, 6 February 2016. Categoria: Policial

ORANJESTAD (AAN): Un rescate grandi a tuma luga diabierna den careda di 6’or atardi den mondi na Lagabena. Ta
ora cu autoridad a keda informa cu lo tin un homber perdi haya den mondi cu barancanan banda di e dam na
Lagabena.
Cu urgencia patruya di Santa Cruz a presenta na elugar pa verifica e caso y di berdad e oficialnan a haya un homber
di edad den careda 80 aña benta abou banda di barancanan y ora el a keda localisa e homber a sintie contento cu
hende a haye, debi cu e tabatin tres dia benta eybao.
Debi cu e ta persona di edad y herida e no tabatin manera pa cana pidi ayudo. Di biaha a bati alarma caminda a
despacha, ambulance y unidad di bombero pa duna un man. Aki paramedico di Ambulance a presenta pa stabilisa e
victima y dune e medicamento na e lugar y cu ayudo di brandweer a saca e victima y lante pone riba cama pa keda
transporta pa hospital.
E tabata hopi dehidrata, y hopi debil. Pesey mes e persona no por a indica ken e ta y unda e ta biba.
Pesey ta pidi cualkier persona cu por reconoce e persona por yama 100 pa mas informe.

http://www.diario.aw/2016/02/rescate-na-lagabena-pa-anciano-perdi-pa-algun-dia-den-mondi/