Page 85 - MIN JUS

solamente ta ser entrega na personanan latino, pero tambe Haitianonan ta hayando
paspoort entrega te na nan cas. Un situacion cu ta tumando luga for di basta tempo bou di
e gobernacion aki.

Segun informacion ricibi tanto Prome Minister Mike Eman como tambe Minister encarga cu
DIMAS Sr. Benny Sevinger ta bayendo Hulanda pa duna cuenta kico ta berdad riba fraude

cu paspoort Hulandes. E paspoort Hulandes ta pa e Arubiano naci aki na Aruba. Pero si un
persona latino, Haitiano of otro nacionalidad, cu kier yega na e paspoort aki no por haye sin
di a cumpli cu e exigencianan cu Hulanda ta pone mara na dje.
Pa un ciudadano cu no ta Hulandes haya un paspoort Hulandes e mester ta un ciudadano

digno pa carga e nacionalidad Hulandes y pa yega na e paspoort aki. E ciudadano mester a
acumula dedicacion y trabao impecable di un comportacion ehemplar. Tur esaki ta haci e

ciudadano digno pa carga e nacionalidad Hulandes.
Un decision cu a ser tuma den Conseho di Ministro Hulandes. Si bay un poco den historia,
tabata durante gobernacion di Gabinete Oduber na 2001 pa 2009, tambe tabatin un
situacion asina na momento cu Minister Rudy Croes cu tabata engarga cu DOOV e tempo

aya tambe a haye den un problema similar. Pa por haya un paspoort Hulandes e idioma cu
e inmigrantenan mester a domina pa haya paspoort Hulandes tabata e idioma Hulandes

y/of fries pa Hulanda, Papiamento pa Aruba, Boneiro y Corsow pa islanan ariba tabata
ingles.
Pero na aña 2003 ministro di Husticia di Hulanda Ernst Hirsch Ballin a propone na esnan cu

kier paspoort Hulandes mester tin nacionalidad Hulandes y mester domina e idioma
Hulandes banda di papiamento. Relaciona cu e noticia ariba di e dos paspoortnan
Hulandes cu no ta registra na Hulanda, ya caba prensa Hulandes tin e noticia aki. Aki na

Aruba e investigacion tambe mester a cuminsa pa sa for di ki tempo e fraude di paspoort ta
tumando luga cu a cay den man di e dos Colombianonan aki cu cada uno a paga 35 mil
dollar. Tambe tin e pregunta con ta posibel cu aki na Aruba e paspoortnan aki por a pasa

via inmigracion ora di salida. Hopi pregunta cu mester haya nan contesta.