Page 87 - MIN JUS

Rijbewijs ta Valido pa Vota cu ne pa e Proximo Eleccion di Pais Aruba" e
mandatario a bisa. "Cu e Decreto aki cu a wordo firma un rato pasa , bo rijbewijs
tambe por ser uza trankil como metodo valido di identificacion pa deposita bo Voto
dia 22 di September venidero" tabata fin di e mensahe aki. Pero ainda CSE no ta na
altura.

BASE LEGAL

E problema cu tabatin ta cu e mandatario a saca rijbewijs nobo na 2015 sin cu e tabatin
un base legal. Esey ta trece cune cu e rijbewijsnan no por a wordo uza como id valido
segun articulo 59. Door di haci e rijbewijs valido porfin e por wordo uza como
legitimacion segun art 59 'di e ordenanza di eleccion (kiesverordening). Kiesverordening
ta prescribi 3 forma di legitimacion pa por vota. 1. ID, 2. Rijbewijs conforme
landsverordening wegverkeer, y 3. Paspoort. E problema cu a causa cambio di ley cu
Minister Dowers ta referi na dje ta cu number 2 no tabata cuadra ainda. E rijbewijs cu a
ser traha na 2015 no tabata conforme Landsverordening wegverkeer pasobra nan no a
cambia e ministeriele regeling pa e pas cu e rijbewijs nobo. E informacion riba Facebook
di e mandatario ta indica cu awor e rijbewijs lo ta conforme e Landsverordening
wegverkeer.

CSE

Mientras cu e mandatario di husticia a informa dialuna cu e cambio tabata haci, for di
Conseho Supremo Electoral mientrastanto, oficialmente NoticiaCla a compronde awe
mainta cu nan no a ricibi nada oficialmente. “Mi no a mira e decreto ainda. Pero mi ta
spera cu awor ora nos analisa e rijbewijs y e criterianan legal, manera color y material,
esakinan ta cuadra cu otro. Den caso cu tur esakinan cuadra cu otro y e data personal ta
corecto y lo por conclui cu e rijbewijs ta legal, esaki lo por cumpli cu ley di eleccion.
Esaki no ta cambia e punto cu ainda tin rijbewijs den circulacion cu no ta contene e data
personal cu ta exactamente mescos cu esnan den registro oficial di nos populacion. Pa e
motibo aki mester conseha pa controla e data personal riba rijbewijs bon pa evita cu bo
identidad no por ser verifica durante eleccion. E posibilidad pa tin data personal robes
riba e rijbewijs, cu no ta cuadra cu data personal den registro di voto, ta presente pa 1500
persona, pues ainda mi lo recomenda pa vota cu cedula of paspoort” Thode a finaliza
bisando. Foto ta cortesia di pagina di facebook di minister Dowers.