Page 14 - ATA 03 MAY 2017

Lorna Varlack Jansen: Lo trata ley macro pa control di
poblacion di insectonan cu ta transmiti virus Arbo

Tuesday, 02 May 2017 19:45
Comparti

Miembro di fraccion di AVP, sra Lorna Varlack Jansen, durante conferencia di prensa di fraccion, a duna

palabra di pabien y bon bini na e candidato nobo sr. Clayton Croes.

“Clayton ta un hoben profesional, director di e departamento di Gele koorts Bestrijding y cu hopi gana di
drenta e arena politico pa sirbi pueblo. Nos di fraccion di AVP ta desea Clayton hopi exito cu su

escogencia pa join e team berde pa loke ta toca eleccion dia 22 di September.

Por cierto e topico cu mi ta bay toca awe ta e combatimento di e sanguranan cu ta causa Dengue,
Chikungunya y Zika y con hunto nos por elimina e criadonan

aki.

E ultimo simannan Zika un biaha mas tawata e topico di discusion den nos comunidad pa cu e motibo di

e cantidad halto di hende infecta cu e virus aki. Hasta a wordo menciona cu Zika a bira un epidemia.

A haci un apelacion na comunidad pa yuda combati e sanguranan aki door di tene rond di nan cas limpi y

door di deshaci di cualkier obheto of aparato cu ta wanta awa
dushi. E control rond di cas y den bario

ta hopi importante y e ta un responsabilidad di nos tur.

Ainda nos por wak hopi sushedad den diferente parti di nos mondi, den e barionan y rond di

cas. Despues di un yobida fuerte awa ta keda para den e aparatonan y sushedad pa hopi siman.
Suficiente tempo pa e sanguranan haya oportunidad pa broei.

Diferente cura di cas tambe tin material bieu warda manera taira bieu, tubonan, hemchi sin tapa etc. E

luganan aki ta netamente luganan cu e sanguranan ta busca pa broei.
Despues di hopi campaña di conscientisacion y informacion pa cu e malesanan cu e sangura aki ta causa

a bira tempo pa cuminsa traha hunto y pa señala situacionnan rond di nos isla pa preveni cu e malesanan

ta escala.
E ta hopi importante pa e hendenan cu ta sinti e sintoma di Dengue, Chikungunya of Zika bay dokter pa

asina por registra e cantidad di caso di hende infecta. E simtomanan mas tanto ta keintura rash, y dolor

di cabes. Tabatin un temporada cu e cifranan di hendenan infecta tawata halto , pero awor el a cuminsa
baha bek.

E casonan registra y cu ta sospechoso ta mas tanto den e areanan di San Nicolas, Savaneta, Sta. Cruz y

Pos Chikito.
Nos ta consciente cu un epidemia di e malesanan aki por afecta nos turismo y pa cu e motibo aki nos por

a tuma nota cu AHATA a reuni cu minister Alex Schwengle pa cu e situacion aki.

Gobierno, AHATA y GKMB a compromete cu otro pa hunto sigui traha na conscientisacion di e

malesanan aki pa yega na un situacion di 0 criadero den e den e areanan di hotel pa sigura cu nan
trahadonan y bishitantenan ta traha y hospeda den hotelnan liber di e sanguranan aki.

Ta di aprecia tambe cu personal di GKMB tambe ta forma parti di e team cu ta bishita e barionan hunto

cu minister president Mike Eman pa asina educa y conscientisa e habitantenan pa cu e prevencion di e
criadonan aki.

E ta keda e responsabilidad di cada doño di cas pa controla su cas y vecindario riba posibel criadero pa