Page 40 - MIN VOS

Comparti

Na AZV tabata tin un conferencia di prensa caminda e asociacion di dokter di cas y tambe esnan di asistentenan di
dokter tabata presente. Durante e ocasion aki a papia riba e forma cu lo bay atende cu e pashentnan y asina bin cu un
sistema di triage. Durante e conferencia Solange Tchong cu ta vocero di AZV a hiba palabra.
Manera ta conoci pa e ultimo 2 pa 3 aña, mayoria di e dokternan di cas ta traha cu un sistema di triage. Triage ta
evaluacion di pashentnan den diferente categoria na unda nan ta wordo clasifica segun gravedad di nan sintoma,
lesion y/of malesa. Triage ta un sistema pa por determina e urgencia di e pashentnan cu ta yama na oficina di dokter
di cas pa haya un cita of cu por ehempel ta acudi na Spoed Eisende Hulp na hospital. Meta di triage ta pa establece
prioridad y pa dicidi cua pashentnan mester haya tratamento medico prome of mesora y cua pashentnan por
ehempel por warda un tempo, sea cortico of largo, prome cu nan wordo yuda.
E asistente di e dokter di cas ta un persona clave den e sistema di triage. E ta esun cu ta haci e triage. E ta e prome
persona cu e pashent ta topa ora cu e ta comunica cu su dokter di cas. E ta traha bao di responsabilidad di e dokter di
cas y semper e asistente lo consulta cu e dokter di cas den caso di cualkier preocupacion of pregunta.
Aplicando triage, ta haya sa cua pashent ta haya un cita e mesun dia y cua pashent ta haya un cita por ehempel pa su
siguiente dia of hasta kisas un otro instruccion ta sigui.
AZV, hunto cu Huisartsen Vereniging Aruba y Dokters Asistenten Vereniging Aruba ta anuncia un proyecto cu recien
a tuma luga y cu sigur lo sigui eleva nos servicio y cuido medico na Aruba.
Ta trata di un curso di triage cu a tuma luga recientemente pa e asistentenan di dokter di cas. Un curso cu a conta cu
apoyo di AZV pasobra no ta mira no solamente e estudio y upgrading continuo pa e asistentenan di dokter sino
tambe pasobra ta kere cu cada pashent merece di haya e miho servicio cu tin.
Esaki por ora cu partidonan percura pa e asistente di dokter di cas tin un bon entendimento y conocimento di su
tarea como asistente, pero mas ainda ora e asistente di dokter di cas tin un bon conocemento di e sistema di triage,
segun Tchong.

Comentarionan (0)

http://www.24ora.com/index.php?option=com_content&view=article&id=123322:curso-recien-di-
triage-a-conta-cu-apoyo-di-azv&catid=1:local&Itemid=5

Asistentenan di dokter ta asisti diferente tayer pa por
upgrade den nan trabao

Friday, 23 June 2017 22:06

Comparti