Page 44 - MIN VOS

instruccion pa sigui. E dia aki ta un dia historico, pasobra awe a anuncia un
bunita proyecto cu recientemente a tuma lugar, cu sigur lo sigui eleva nos cuido
medico y di e pacientenan. Ta trata di un curso di triage cu a tuma lugar cu a
goza di sosten di AZV tambe.

NATASHA UPEGUI

Presidente di Asociacion di Asistente di Dokter di Cas, tin como meta pa trece
tur asistente di dokternan di cas hunto, asina Natasha Upegui a duna di conoce.
Nan meta principal ta sigui cu upgrading di nan conocemento dor di organisa
diferente workshop y lectura y seminario.

E curso di triage a ser duna pa sra. Patricia Peloz di Corsou, pero biba na
Hulanda, kende a studia pa bira un dirigente pa yuda den cuido di paciente y
asina a lanta su propio negoshi. Un di e cursonan cu e ta duna ta di triage na
Corsou.

Asina Aruba a haya sa di dje, y a pidi’e pe bin Aruba pa duna curso, unda sigur
un 50 asistente di dokter di cas a asisti. For di preguntanan cu un asistente di
dokter ta haci, lo por saca afo, con urgente e paciente ta.

Segun Natasha Upegui, nan tur ta mihor prepara pa yuda e paciente y mas
ainda e propio dokter di cas. Tur luna, e asociacion aki ta organisa un lectura,
duna pa e.o. un medico specialista of dor di un dokter di cas of dor di un
profesional den ramo di cuido medico y di paciente.

1. JOAQUIN VAN TRIGT

Presidente di Asociacion di Dokter di Cas (HAVA) dr.Joaquin van Trigt a
reconoce e cursonan cu e asistentenan di dokter ta sigui y asina mehora e cuido
medico mas ainda. E desaroyo di ultimo tempo, por mira cu e asistentenan a
haya mas responsabilidad compara cu antes, unda tabata papia mas di
secretaria, pero cu falta di background medico.