Page 49 - MIN ON

4 AWEMainta Diaranson, 25 October 2017

MFA-Savaneta,

Cas di Shon Lang

a keda inaugura

DIALUNA ultimo, den oranan di anochi, a tuma
lugar inauguracion di un otro MFA, e biaha aki na
Savaneta, cu a haya nomber di Cas di Shon Lang. En-
tre e invitadonan por a mira ex Gobernador, Freddy
Refunjol, varios miembro di Parlamento y famianan
di Shon Lang, kendenan sigur a keda masha contento
cu Gobierno ta dedica e MFA aki na nomber di Shon
Lang.
E ceremonia a cuminsa cu canto di Himno, interpreta
pa otro yiu di Savaneta, Cezar Olarte. E manager di
Cas di Shon Lang, sra. Kimberly Boekhoudt a yama
tur hende bon bini, pa despues Director di Bureau
MFA, Omar Harms a hiba palabra.
Tambe a hiba palabra, Presidente di SOGA, sr.
John Hodgson, sigui pa discurso di Presidente di
Parlamento, drs. Mervin Wyatt-Ras, di Minister di
Infrastructura Benny Sevinger y pa Prome Minister
Mike Eman. Despues a sigui cortamento di sinta
pa famianan di Shon Lang y asina MFA Savaneta
a keda oficialmente inaugural. Un inversion di 4
miyon florin, cu meta pa mehora calidad di bida di
e habitantenan.
Un MFA cu a duna un balor agrega na Savaneta, si
mira e servicionan cu e edificio aki lo bay na ofrece
e comunidad di Savaneta.