Page 13 - BNDIA ARUBA

a13
riba caya Diabierna 15 november 2019

Pickup a dal ciclista riba Avenida Nelson Oduber

ORANJESTAD – Diaranson pasa di 11or anochi riba ex
Sasakiweg, Avenida Nelson Oduber yegando e rotonde
banda di ex Fatum chauffeur masculino a dal un ciclista
cu tabata banda di caminda drechi.

E spiel a dal e ciclista, cu consecuencia e homber a dal abou y
keda herida. Ambulance a acudi di biaha na e sitio pa atende
cu e victima. Polisnan a yega pa atende cu e accidente y tuma
dato. A pone e chauffeur supla na e sitio, pero no tabata tin
nada di alcohol den su sistema.

Dama a perde control

drenta mondi cu auto

pariba rotonde Mahuma

ORANJESTAD – Diahuebs marduga poco pariba
di rotonde Mahuma dama chauffeur den un Nissan
March a perde control debi cu a pasa riba santo cu
acera y a bay pazuid di caminda drenta mondi.

E dama a keda pega den e auto rond di cadushi y mata di
kwihi. Personal di Mota cu tabata riba caya a yuda di biaha
pa corta e mata di kwihi pa e polisnan y personal di ambu-
lance yega na e victima. A atende cu e victima y a keda saca
cu cautela y transporta pa hospital. Familiar a presenta pa
keda encarga cu e auto.