Page 2 - AM210414
P. 2
2 AWEMainta Diaranson, 14 April 2021
Persona cu tiro den cabes na un cas na
Brazil ta mustra un reglamento di cuenta
photo cortesia : 24ora.com PA 9.21 pm ayera nochi Central di Polis ta haya
notificacion cu un hende homber a wordo tira na
un cas na Brazil. Na yegada di e patruya ta bin
encontra un persona tira abou den veranda cu un
tiro den cabes. Tur cos ta mustra cu tabata un
“drive by shooting”, cu consecuencia fatal.
E victima a wordo hiba cu maximo urgencia pa
hospital y su situacion tabata critico.
Mesora a pidi pa Departamento di Recherche, Po-
lis Tecnico y Slachtofferhulp.
Relaciona cu e tiramento aki na Brazil algun
rato despues a drenta informacion cu e vic-
tima t’e hoben di 20 aña, y el a bin fayece
pa 11.50. Ta trata aki di Richie Genao kende
a haya un tiro den cabes y ora Polisnan a yega a
haye riba vloer den veranda. Mirando cu e impac-
to di bala tabata den su cabes a pidi ambulance cu
maximo urgencia. Pero lamentablemente algun
rato despues cu el a yega Hospital el a fayece. Difi-
cil pa un persona por a sobrevivi un tiro asina ey.
COMENTARIO
Despues cu e noticia aki a plama, di biaha por a
tende comentarionan cu hopi a wak esaki ta bin.
Sigur si mira cu na Brazil, Mabon y becindario, tin
hopi problema di gang. Pa 11:50 pm, dokternan a
constata morto di Richie M. Henao-Tavarez, di 20
aña di edad.
Inicialmente testigonan a duna di conoce cu nan
a mira un auto preto pasa dilanti di e cas y los un
tiro. (Un drive by shooting). Mas laat a haya ver-
sion inoficial cu Polis ta den buskeda di un vehicu-
lo marca Nissan, modelo March tipo RHD (stuur-
wiel na banda drechi) cu no tin glas tint, pero no
a por a specifica kico color e auto mes ta. Tambe a
duna señal di e chauffeur como un persona hoben
color bruin cla cu un pechi color preto bisti. Na
famianan di e fayecido, AWEMainta ta extende su
mas sincero palabranan di profundo condolencia.
