Page 25 - AVP

“Den un termino di apenas algun minuut Cuerpo Policial tabata presente na e lugar di e
atraco y Helicopter tambe tabata eynan ta patruya”.

“Inmediatamente un sospechoso a wordo deteni y e investigacion ta andando”.

CIFRANAN

Esaki segun Bikker, kende a sigui bisa cu compara cu 2016/2017 e cantidad di atraco

na Aruba a baha substancialmente, pero cu un biaha mas e sospechoso ta un persona
ilegal di origen Venezolano.

“Esey ta algo cu mi ta bin ta bisando basta dia caba”.

“Nos a constata cu di e 34 atraconan cu tabata tin na 2018, 13 di e sospechosonan
tabata di Venezuela y e trend ey nos ta wak cu ta continua”.

“Den cuadro di esey, un di e decisionnan cu a wordo tuma ta cu e aparatonan di
husticia, incluyendo Ministerio Publico ta bay bin hunto mas regularmente pa adresa e
retonan cu tin”.

Esaki segun e mandatario, kende a sigui bisa cu desde Mei 2018 a re-institui e
posibilidad pa KPA controla e status di persona riba nos isla y esaki awor ta bay wordo
intensifica.

ESTA

“Los di esey nos ta bay bin cu e sistema Mericano di ESTA, pero lo bin cu algun
dimension nobo, esta e asina yama Advanced Passenger Information System (APIS) y e

Passenger Name Record (PNR)”, segun e mandatario, kende a splica cu door di e
situacion den e region, por dicidi di otorga solamente un cantidad limita di ESTA pa
Aruba, mirando e cantidad di Venezolano cu ta envolvi den atraconan na Aruba.

“Hopi biaha den pasado ora cu nos tabata mantene un regimen hopi estricto di
admision hendenan tabata critica esaki, pero awor bo ta wak pakico nos tabata asina
estricto”.