Page 26 - AVP
P. 26
VISIBILITY TEAM
“Los di esey nos ta bay re-institui e Visibility Team”.
“Banda di esaki hunto cu e asociacion di Joyero y AHATA nos ta bay concentra riba
medidanan di seguridad na diferente establecimento, pasobra na final di dia nos kier
concientiza no solamente comercio pero full nos pueblo en general, cu seguridad ta un
responsabilidad comparti”.
“Nos ta bay wak ki medidanan di seguridad e joyerianan a bin cune y unda esakinan
por wordo mehora”, segun e minister.
El a sigui bisa cu ta trahando riba mehoracion di camaranan di seguridad cu tin,
mientras cu lo bin cu mas camara na diferente caminda, incluyendo e area
di Boulevard y di Caya Grandi.
UZO DI DRONE
“Un otro dimension nobo banda di loke cu tin caba, nos ta bay introduci un of mas di e
drones hybrid, cu por keda den aire pa varios ora”.
“E drones aki ta traha cu entre otro fuel y por keda den aire durante di 3 pa 5 ora”.
Esaki segun Bikker, kende a indica cu ta bay certifica e manehador di e drones.
Dos persona di KPA ta bay wordo manda pa nan haya nan certificacion, pa nan por
opera e drones pa patruya varios area rond di nos isla constantemente for di aire.
https://www.diario.aw/2020/01/minister-di-husticia-cu-diferente-medida-di-seguridad-incluyendo-
drones-hybrid/
