Page 9 - HOH 8 APRIL 2016

Minister Alex Schwengle riba construccion di hospital:
Te ainda no tin ningun noticia cu tin problema di
calidad

on: April 07, 2016In: LocalNo Comments
Print Email

Minister Alex Schwengle no tabata contento cu ora el a drenta e ofishi di minister cu tabata falta un
audit, aunke awo si ta in place. Tin partnernan, aparte di SOGA, cu ta independiente cu lo audit di
tempo pa tempo e edificionan cu ta biniendo, pa wak si en berdad ta cumpli cu reglanan di bouw,
pero tambe di calidad pa duna e servicio di salubridad.
Entre otro ta pensa riba TNO di Hulanda, cu tin e capacidad. Ora yama inspectie pa bin cu un
inspeccion di un edificio manera hospital, inspectie na Hulanda no ta hacie, pero ta hacie cu TNO.
Esey ta e caso di OK na 2014, cu ta TNO a wordo contrata pa haci e inspeccion, riba conseho di
inspeccion di Hulanda. Tin check and balances pa wak si ta haya e calidad cu ta haya y te ainda no
a haya ningun noticia cu tin un problema di calidad.
Tin cierto hendenan tin nan opinion, pero cu opinion no por haci mucho. E minister ta traha cu dato y
ta basa su mes riba cosnan cu ta midi. Chuchubi tin na granel, pero no por haci mucho cu nan.
Importante ta e parti financiero. E parti financiero ta cu SOGA mes tin un double check. Nan ta uza
un compania internacional, cu ta haci e audit financiero, pa wak si en berdad loke nan ta hayando
na placa ta klop. Te ainda esaki ta bon. Unico red flag grandi tabata e parti di OK. Esey ta canando
super, segun e minister. Unico cos cu e minister a remarca cu e documento definitivo, e uitwerking
in detaye di e OK nobo mester bin ainda, e no ta cla. Y e parti di e begrotting, a haya un calculacion
amplio, den sentido cu e por ta cu e lo baha un tiki mas, segun e Minister. Pero e detayenan di e
begrotting mester ta riba papel, e ora ta entrega tur cos atrobe un biaha mas na Parlamento pa nan
tin inzagge. E minister ta kere cu mester tene Staten bon informa pa evita problema. No tin nada di
sconde.
Na momento cu haya retraso di algun luna, ya caba e prijs lo bay subi paar di miyon, pasobra e
contratista no ta bay carga ningun gasto. E ta bay mande completamente riba gobierno.