Page 18 - ATA 24 MAART 2016

STA E postema ta casi rementa Si diahuebs awo

no yega na un solucion na ATA por spera accion en

cadena

on: March 23, 2016In: LocalNo Comments
Print Email
Tin placa pa tur cos liber pa e trahadornan. Esey ta pensamento di presidente di STA, Diego de Cuba,
kende a agrega cu si pa diahuebs awo, dia 24 di Maart, no yega na un solucion cu Aruba Tourism
Authority, por spera accion.
E ta splica cu de Cuba a spera cu e postema aki rementa masha dia caba. Por a ripara cu practicamente
dos periodista cu ta sostene e maneho a bin lanta for di soño por fin y ripara cu esaki ta un
bagamunderia di otro mundo. STA tambe a trece esaki dilanti na mesa di negociacion cu e team
negociado cu ta negoshando pa ATA pa loke ta e contrato colectivo, a bisa cu mester ta sincero cu ATA
tin placa pa tur hende. Pa tur instancia, pero menos pa e trahadonan. Esaki STA no ta aprecia y no ta
acepta tampoco. Ta pesey mes a manda un contraproposicion contra nan contraproposicion cu locual cu
mester a sinta na mesa cu nan, pero a schuif e reunion pa diahuebs atardi 2’or y mey, hunto cu
mediador na su oficina, pa continuacion di e contracto colectivo, pero a premira esaki. A manda dos
carta pa minister Otmar Oduber. A haya contacto berdaderamente cu un di su coordinadornan y ainda
no a haya e reunion. Y e pasenshi di e empleadonan tambe ta cabando. Mester a reuni cu e minister dia
14 di Maart. Mester a reuni mucho mas prome cu esey, pero door cu tabata tin algun cos pendiente, ta
compronde, pero dia 14, ora cu mester a reuni, a compronde cu el a bira malo. De Cuba a expresa cu a
lage bira bon y manera el a bira bon, el a bira bay Hulanda.
Ta bisa cu mester ta serio. E cos aki ta bisa cu ta minister ora cu e cos aki bira preta, ta pidi su atencion
pa por yega na un solucion. Awor e no kier duna e atencion necesario, no bin grita mañan ora e
trahadonan bay den accion. No bin sclama mañan cu ta di mala fe. A pidi atencion. Tin dos carta, un ta
cu mas cu dos luna, e otro tin mas cu un luna cerca dje. STA a haci lo imposibel caba y diahuebs awo ta
STA y e trahadonan bay dicidido. Si ATA nenga e proposicion, lo bay tin accion y por bay ta un accion den
cadena tambe y por bira algo grandi.
Diaranson de Cuba a tende e minister bisa algo cu el a yama ATA pa NV. E no sa si aki el a bruha. ATA ta
Sui Generis. E ta nifica algo unico den su forma. Mescos cu Serlimar. Nan ta Sui Generis. Nan no ta
gericht tampoco pa ta winstgevend, aunke cu nan ta traha placa, pero e placa ey mester wordo hinca
den otro cos.
E minister mes a bisa cu ATA ta genera placa, y no por hinca algo di e placa aki den e trahadonan, de
Cuba ta cuestiona. Aki tin mala fe, pasobra cu sa masha bon cu e trahadonan ta e alma y curason di e
compania. E hendenan cu ta haci e trabao berdaderamente, masha poco ta sali den publicidad. Esnan cu
ta traha y pusha pa promociona e pais aki, casi nunca ta wak nan den publicidad y nan no ta pidi pa esey
tampoco, pasobra ta hendenan masha humilde y trahado. Nan ta traha duro, nan ta traha pa nan pan,