Page 54 - ATA 24 MAART 2016

AWEMainta Diahuebs, 24 Maart 2016 13

Den un esfuerso pa elimina sangura Aedes Aegypti

Ta fumiga e siman aki den districto
di Paradera y Santa Cruz

Ta pidi pa elimina criadero paden y pafo di cas

TIN UN solo forma pa preveni e enfermedadnan di

Dengue, Chikungunya y Zika, cu ta dor di elimina e
sanguranan Aedes Aegypti. Mester ta cla pa tur hende
cu sin criadero no tin sangura y sin sangura no tin ningun
di e tres enfermedadnan ariba menciona.
Ta den cuadro di e medidanan di prevencion cu Gele
Koorts en Muskieten Bestrijding ta aplicando, lo fumiga
den districto di Paradera pero tambe lo fumiga den e
areanan di Hooiberg, Casibari, Ayo y Piedra Plat.
Awe diahuebs dia 24 di maart e accion lo continua den
e districto di Santa Cruz pero enfocando specialmente
den e areanan di Papilon, Macuarima, Sabana Grandi
y Simeon Antonio.

Departamento di Salud Publico Aruba ta informa
comunidad cu e orario cu GKMB lo fumiga ta entre
5:00pm pa 7:00pm. P’e fumigacion por ta efectivo,
ta conseha habitantenan den e barionan aki pa habri
bentana y porta durante cu e pickup ta fumigando
den e area. Tene bista riba bo mascota y parhanan,
cambia awa di e mascotanan pa awa limpi despues
di fumigacion. Keda paden si bo ta un persona cu un
condicion di salud delicado y habri porta ni bentana
pa no perhudica bo salud.

E accionnan aki di fumigacion ta den cuadro di e
esfuerso grandi di Ministerio di Salud Publico hunto
cu Departamento di Salud Publico y cu sosten di
Aruba Tourism Authority pa elimina sangura pa evita
Dengue, Chikungunya y Zika riba nos isla.