Page 51 - MIN SJA 6 NOV 2015

44 Djabièrnè 6 Novèmber 2015

...segun VBC...

REDUSI PAGO PENSHUN BEHES KU 25%
PA NO-RESIDENTE TA IRASONABEL

WILLEMSTAD.- VBC ta
haña e forma ku gobièrnu ke
redusí pago penshun behes
ku 25% pa no-residente ta
irasonabel. Ya pa añanan
kaba ekspertonan i
entidatnan preokupá entre
otro VBC, a hala atenshon
riba e konsekuensianan
di enbehesimentu pa e
sistema di seguridat sosial,
partikularmente pa e tópiko
di penshun i ku ta nesesario
pa tuma medida pa atendé
ku e efekto negativo i
suavisá e efektonan aki.

A traha rapòrtnan
diki ku rekomendashon
i a presentá esakinan.
Sistemátikamente
mandatarionan polítiko no a
hasi akto di e señalnan aki.
Kontrario, pa motibunan
polítiko a tuma medida
ku a empeorá e proseso
(e.o. baha edat pa bini na
remarke pa kobra penshun,
subi e suma di penshun
di behes outónomo,
pago di un lumpsum pa
motibu di kanselashon di
indeksashon outomátiko di
e suma di penshun).

Awor komunidat ta
haña e kuenta presentá
pa e maneho di korto
bista aki. Sin un areglo
di transishon debido na
2013, a subi edat pa kobra
penshun di 60 pa 65 aña, a
subi e primanan i e sueldo
límite riba kua ta paga
prima konsiderablemente.
Awe na novèmber 2015
atrobe Gobièrnu ta bini
ku proposishonnan pa
medidanan drástiko,
esta redusí e pagonan di
penshun di behes ku 25% pa
no-residentenan i eliminá e
bónus di Pasku pa e grupo
aki.

VBC ta suprayá opinion
di Konseho di Konsulta
(Raad van Advies) i di
Konseho Sosial-Ekonómiko
(SER) ku e medida di rekorte
pisá aki, ta desproporshonal
di karakter i ta en pugna ku
derechinan fundamental
(goso di propiedat sin
strobansa i derechi pa
bandoná un pais).

E medida aki tampoko
no ta solidario, ta un
violashon di seguridat
legal, ta altamente
irasonabel i podisé hasta ta
di karakter diskriminatorio.

Ademas por pone
interogatorio tras di e
argumentunan finansiero,
i ekonómiko ku Gobièrnu
ta trese dilanti pa hustifiká
e medidanan aki. Tur

Sigui lesa pagina 47