Page 10 - MIN JUS MARCH 22,2016

Minister Dowers personalmente presente na e

tiramento

Publication: Monday, 21 March 2016. Categoria: Policial
Ta insisti riba Starlet cora den Drive By Shooting:
ORANJESTAD (AAN): E caso di tiramento unda a herida dos persona na Pos Chikito tin hopi atencion di
autoridad. Hasta Minister Arthur Dowers a bay na e sitio pa asina tende kico ta pasando. Recherche di
San Nicolas ta atendiendo cu e caso aki.

Informacion tabata bisa na prome instante cu ta un Starlet Cora glas blanco y dos persona aden a pasa
tira. A drenta informacion tambe despues via un Polis na e sitio cu lo ta un Getz Berde cu number
registra na Monserat. E caso aki ta mustra den direccion di un reglamento di cuenta di gruponan cu tin
problema cu otro.

Esnan na e sitio ta papia e momentonan aki di cuater pa cinco tiro cu a wordo scucha y dos di e tironan
aki a dal dos diferente hende. Nan no ta grave. Un di nan a haya tiro den garganta. E caliber di e arma cu
a wordo usa ta uno chikito. Esey mes ta e motibo cu e daño ta poco.

Victimanan mes ta keda para ariba cu ta un Starlet cora. Pesey mes awor recherche mester focus riba
dos diferente auto den e caso aki. Ta focus riba e Getz Berde y e Starlet Cora. E mandatario di husticia ta
keda hopi cerca di e casonan cu keda registra.
Ta importante pa bo mes bay mira y scucha loke ta e situacion. Asina hunto cu Polis por traha riba e
strategianan pa keda combati criminalidad den su totalidad.
http://www.diario.aw/2016/03/minister-dowers-personalmente-presente-na-e-tiramento/