Page 11 - MIN JUS MARCH 22,2016

Minister Dowers Mester a manda algun hende cas debi cu KIA a yega na su limite
on: March 21, 2016In: LocalNo Comments
Print Email

Siman pasa 9 hende cu tabata cera den KIA sinta pa nan castigo a ser manda cas door cu
mester a traha espacio pa detenidonan nobo mirando cu KIA a yega su limite di hende
deteni cual ta 200 persona.
E 9 hendenan aki ta den caba nan castigo y ta ser laga den libertad segun e ley di VI
segun minister di Husticia, Arthur Dowers.
E ta splica cu regularmente ta haci uzo di e posibilidad cu tin den ley pa laga hendenan
cu ta casi yega nan VI bay cas, si ta necesario. Dos aña pasa tambe a haci uzo di esaki. Na
cuminsamento di aña a haci’e pa personanan cu ta pafo di pais Aruba y awor aki atrobe.
Loke ta pasa cu a detene gruponan grandi di personanan cu tabat envolvi den droga y
otro actividadnan cu a buta cu e presion riba prizon ta aumenta.
Tin un parti di e prizon cu ta kima y no a haya e medionan financiero den begroting cu
por haci tur e remodelacionnan pa asina ey por amplia e capacidad den prizon y na
momento cu tin diferente grupo cu ta menasa pa otro, e ora ta buta cu e capacidad
automaticamente ta reduci tambe. Tin cu deal cu tur e cosnan aki y tin mester di mas
medio financiero, cual lo wordo informa na Ministerraad y Staten y na momento cu e
medionan bin, e ora por bay ubica mas hende den prizon y si no bin, tin cu traha cu loke
tin y e ora uza tur posibilidad legal pa por garantisa e maneho di prizon.
200 persona cera ta un preocupacion pa nos pais. Segun minister Dowers, e efectividad
ta hopi bon, pasobra ta detene. Tin cu compronde si cu no ta tur hende a comete un
crimen na pais Aruba. Por ehempel tin hende cu por a comete un crimen den awanan
teritorial ta buta cu ta drenta den prizon, pero no necesariamente a comete un
infraccion y tambe tin otro caminda cu tin mas hende cu ta envolvi den mas crimen. E
efectividad di Cuerpo Policial a aumenta grandemente y tin tambe cierto hendenan cu
ta mas activo y ta ocupa nan mes activamente cu actividadnan criminal. Si ta
preocupante pa e hecho cu tin hopi hende hoben, cu continuamente cu nan no ta haci
nada otro cu ocupa nan mes cu actonan criminal y tampoco nan haya e formacion,
educacion y guia pa nan por ta for di crimen, pasobra en principio, problema den prizon
hopi biaha algo a bay fout den sociedad. Husticia no por drenta den cas ora un mucha
nace y cuminsa eduk’e. Esey ta trabao di su mayornan y tin otro instancia cu ta yuda den
esey. Por proteha muchanan si nan ta core riesgo cu nan ta wordo menasa of wordo
maltrata of cu a bira un problema pa sociedad y ta trahando hopi activo pa esey tambe.
Pero feit si ta un periodo hopi largo cu muchanan hoben ta bay basta for di man y esey
ta un cos cu ta papiando di 10 pa 15 aña y nos ta pagando pa e fruto ey.
Pa loke ta e prizoneronan di afo, minister Dowers a splica cu por extra di ta nan, pero no
necesariamente nan lo sinta nan castigo. Por expulsa nan. Unico manera pa
extraditanan ta si tin un tratado di extradision cu e paisnan. Lo bay combersa den futuro
cu paisnan cercano pa wak si por coopera mas cu otro pa wk si por pasa cierto