Page 28 - ATA

Nan posicion ta cu tin un contracto y e ta valido. Despues cu a mustra gobierno riba esey,

nan a mira cu e unico posibilidad ta pa bay hues pa pidi hues pa termina e contracto, of

den e caso aki nan a cuminsa cu un kortgeding, pa pidi pa saca e hendenan aki di nan

tiendanan.

E caso a keda trata un siman y mey pa dos siman pasa. Ta spera e veredicto dia 6 di April

proximo.

Con lo bringa e caso

E abogado a sigui splica cu tin diferencia den e casonan. E caso e dia ey tabata contra

ocho di e personanan aki. Un di e preguntanan tambe cu tabata tin durante e tratamento

ta, a base di kico ta selecciona e hendenan aki. Ta 39 kiosco tin. E punto ta si e contracto
ta nulo, ta tur ta nulo. No por bay scoge e ora cu un paar si ta nulo y un paar no. Den esey

e lo ta descriminatorio si haci esey. Esey tambe ta un di e ponencianan na corte. Pero en

todo caso, di e splicacion cu a wordo duna, claramente e abogado di e contrapartido a

indica cu casi tur tabata liga na e mesun partido politico y cu esey claramente tabata e

base pa a scoge nan for di e grupo pa manera cu e abogado a bisa, nan a dicidi pa haci

nan prome. Pregunta ta naturalmente, si contra e otronan tambe lo haci’e, of ta lag’e na

esakinan so.

Defensa

Abogado Kock a mustra cu e posicion di nan ta cu tin un contracto. Contrario na e

creencianan, no ta contractonan cu zomaar a cay for di shelo, pero ta peticionnan cu a
wordo haci. E personanan por a mustra hues nan peticion. Tin di nan di basta tempo pasa.

Tin di nan di menos tempo. Nan no tin den nan man cu Gobierno ta tene e ultimo dia di

gobernacion, a caba di rond af tur e preparacionnan cu por a firma e contracto.