Page 31 - ATA

Pa algun aña caba e inversionista ta canando su caminda pa e proyecto. Hasta bisiñanan a

combersa cune y splicanan riba e plan. Hopi bisiña ta pro pa e desaroyo. E Mangrovenan

mes ta den basta mal estado y tin basta daño mirando cu pa hopi aña no a haci limpieza.

Tur esaki ta parti di e proyecto. Rebiba e Mangrovenan totalmente y haci limpieza

recogiendo tur sushi. Ademas e hotel lo uno hopi dirigi riba naturaleza. Esey a wordo
splica den tur forma caba den otro ocasion pa e inversionista. Awor parce e cos a cuminsa

haya forma. A base di esey e Ambientalistanan a prepara nan protesta y a logra como 30
persona para eynan dialuna mainta pa merdia.

Nan no kier pa causa daño na e Mangrovenan y no kier mas hotel. Practicamente casi tur

e Ambientalistanan mes no ta biba eybanda. Nan mes ta biba leu di e area ey. Reaccion

por ehempel ta cu nan mes no ta yuda pa un dia sali haci limpieza den e Mangrovenan aki

cu ta sufriendo daño pa motibo di mal circulacion di awa. E desaroyo aki ta interesante

mirando cu e area ta bandona y ademas e habitantenan mes no ta mira problema pa e

proyecto por conclui.