Page 16 - BNDIA ARUBA

A16 HENDE
Diaranson 27 november 2019

Fundacion Hende Muhe Den Dificultad:

‘Celebrando 24 aña y 16 dia di conscientisacion’

ORANJESTAD – Dia 25 di november a cuminsa e 16 dia
di conscientisacion cu FHMD (fundacion hende muhe
den dificultad) ta organisando e dianan binidero. Tam-
be e fundacion ta celebrando nan 24 aña di existencia.

Magaly Maduro, coordinador di e fundacion, ta elabora spli-
cando cu dia 25 di november ta para keto riba derecho di
hende muhe internacionalmente, mas contra violencia contra
hende muhe y mucha muhe.

“Ta parce cu violencia no tin final. Na Aruba tambe, como
fundacion ta para keto riba e dia aki y hunto cune, nos ta cum-
insa e 16 dia conscientisacion di diferente manera pa crea con-
sciencia riba e problematica aki, na Aruba y cualkier parti di
mundo”, el a splica.
Conhuntamente ta celebrando nan 24 aña manera fundacion
y trahando riba e tema aki, ‘nos ta contento cu resultado cu ta
hayando’.

Pa e programa nan tabatin invitado for di exterior, kende a bin
duna charla pa yuda comparti nan conocemento riba e tema
y asina ‘continua educa nos partners’. Unda lo duna enfoke
riba cuerpo policial, ministerio publico y tur esunnan cu tin
relacion of vinculo cu husticia.

Aña pasa nan a haya procurador general pa trata cu e tipo di
casonan aki y awo lo elabora riba e tema, pa nan por com-
pronde e aanwijzing y con pa haci uzo di esaki. Ayera tabatin
encuentro cu KPA. Pa awe y mañan lo tin conferencia di 8or
di mainta te cu 4or di atardi na Alhambra Ballroom

Dia 29 di november proximo, nan lo tin nan exhibicion di
arte. E fundacion a haya diferente pieza di arte for di artista
local cu lo expone na Baz-RRR y lo tin un subasta silencioso
(silent auction) pa esunnan cu kier ofrece y cumpra esaki. E
placa colecta lo bay pa e fundacion y nan actividadnan den
defensa di derechonan di hende muhe.

Pa dia 3 di december a uni cu HIAS Internacional, un or-
ganisacion cu ta traha cu refugiado, den bienestar di persona
cu a huy for di nan pa nan pais pa situacionnan dificil. Lo tin
actividad na YMCA Dakota. Pa dia 4 december lo tin dialogo
cu HIAS, FHMD y slachtofferhulp di Aruba.

Pa dia 9 di december nan lo tin e ‘Heroes Award’ unda lo
duna atencion na e heroenan pa tur esunnan cu a coopera
henter e aña, pa esunnan cu a haci donacion pa nan por sigui
haci e trabou den comunidad.

Pa finalisa cu e 16 dia di conscientisacion lo tin dia 10 di de-
cember e ultimo ceremonia y e silent auction pa esunnan cu
ta interesa den mira obranan di arte y cumpra esaki.

Ademas, e fundacion actualmente ta participando den Or-
ange Aruba, un proyecto di conscientisacion contra violencia
contra hende muhe. Den esaki, algun instancia local manera
Banco di Caribe y e restaurant West Deck a pone luz oraño pa
simbolisa nan solidaridad cu e movemento aki.