Page 62 - FLIP KPA

Comparti

Un chauffeur cu a dal cu auto marduga a somenta lagando su auto destrui atras.
E fenomeno aki ta masha na moda despues cu un caso a habri wowo pa hopi otro cu ta dal auto y
diripente ta disparce. Polis a haya melding 5or di un accidente serio na Mei Veld. Na yegada a topa cu e
Ford Ranger A-5543 pega den un mata. El a drenta propiedad di hende causando daño prome cu el a
pega den un mata. E daño riba e auto tabata masha hopi mes y te hasta airbag a bula. Den e auto a haya
boter di cerbez y tambe badge di trabou. Ta trata di un hefe na WEB. Tur cos ta indica cu e mes tabata na
stuur di e auto pasobra pasa di 9or di mainta nan ayama warda indicando cu nan mes lo tuma contacto
cu polis. Nan a meld nan mes via telefon. E polisnan cu a traha marduga parce no a haci mucho esfuerzo
den e caso aki y esaki por a wordo sinti tambe cerca e departamento di trafico cu a presenta pa haci
investigacion. E polisnan por a saca afor via e rapport di marduga mas bien di un accidente y chauffeur a
disparce. Esnan di trafico a duna mas atencion cu mas seriedad pasobra tin daño cometi riba propiedad
di hende. A tuma e auto den beslag. E bisiñanan ta bisa cu e chauffeur a sali tur tolondra y bandona e
sitio. Awor durante dia e polisnan di trafico lo busca drechi di e chauffeur cu e momento ey a disparce.
Marduga tanto polis y ambulance tabata presente na e sitio pero despues a bandona e sitio.