Page 64 - FLIP KPA

Diamars anochi algo prome cu 10'or, riba e caminda patras di Pos Chikito a pasa un accidente den e
birada un poco pariba di Tele Aruba.
Segun testigonan tabata tin tres auto envolvi. Na yegada di patruya a haya dos solamente. Un pickup
Mitsubishi y un Toyota Yaris a dal semi frontal contra di otro. Ambos auto a bai para basta leu for di otro.
Den e Yaris dos hende a resulta herida incluyendo un menor sinta patras. Den e pickup solamente un
persona cu tabata mustra basta cansa. A keda varios glas y pieza di auto benta riba caminda. Den e
pickup personal di ambulance mester a lucha cu e chauffeur pa por a libere y sake for di e posicion cu el a
keda pega den e pickup. E pickup riba su mes a keda parcialmente gekentel pega riba un fire hydrant. En
total a presenta tres ambulance na e sitio pa atende cu e heridonan. Specialista di trafico tin cu bai
determina exactamente con e accidente aki a sosede y ki rol e di tres auto tabata tin. Daño material
tabata basta. Takelwagen mester a hala e autonan.