Page 35 - KPA

a13
riba caya Diahuebs 30 November 2017
Trahado ta dal

manager

ORANJESTAD - Diaranson mainta informacion a
drenta cu tin un pelea na e compania Caribbean Over-
seas.

Di biaha polis ta manda un patruya na e sitio. Na yegada polis
ta constata cu un trahado cu a wordo kita for di trabou no a
gusta esaki mucho y lo a bay reclama na e manager, hasta dal
e manager un mokete den su cara.

E agresor a bandona e sitio di biaha. Polis a tuma dato y a
conseha e manager pa haci un denuncia oficial na recherche.

Mientras doño ta den exterior, adictonan ta fiesta den cas

ORANJESTAD - Ya for di diasabra anochi caba polis
a haya un cas na Indianenweg tur reboltia. Adictonan
ambulante a laga e cas un desaster.

Nan a coba den delaster un lachi di e cas saca tur cos benta
abou. Nan a horta diferente airco y tambe cosnan electronico
manera television etc.
Tambe nan a horta tur e tubonan di koper di e cas lagando
awa ta core pa hopi dia. Polis a purba di busca famia pero no
por topa cu nan ainda. Bisiña ta conta polis cu ta un pareha
di edad ta biba eynan y cu nan a bay den exterior pa motibo
di salud.
Te hasta un auto mester tin eynan para pero no ta mira esaki
tampoco. Polis a cera e cas y tawata patruya constantemente
eynan pa controla e cas.

Diamars marduga atrobe nan a pasa eybanda y a wak cu e cas
ta habri. A baha controla y ta topa cu e conocido Dof drumi
eyden. Polis a deten’e y hib’e warda pa e bay duna cuenta ken
tur a comete e acto aki.

Auto a bolter riba caminda di Bushiri

BUSHIRI - Diaranson anochi riba e caminda di Bushiri altura di Fantastic Garden e
chauffeur den un auto marca Chevrolet a perde control pa un of otro motibo y casi
dal den un palo di luz. E impacto a laga e chauffeur herida.

Tanto unidad di polis, ambulance y brandweer a presenta pa brinda asistencia. E victima a
wordo hiba hospital.