Page 24 - MIN VOS

AZV ta parce di ta interesa solamente den placa placa placa….
Publication: Thursday, 31 March 2016. Categoria: General

Pacientnan awor si ta convenci…
ORANJESTAD (AAN): Algo cu kizas hopi hende no a tuma nota di dje, ta e hecho cu pueblo di Aruba, den un di e poco biahanan,
a dicidi na lanta nan voz y protesta contra e maneho di cuido di pacientnan di AZV.

Siman pasa, pueblo por a mira cu pacientnan di Dr. Rivera a tene accion di protesta. Claro cu esaki ta algo di aplaudi. No ta
hopi biaha, cu na Aruba por wordo observa, con pacientnan ta subi caya pa asina demanda y exigi pa AZV mehora servicio di
cuido medico.

Nan a admira cu e Director di AZV a sali papia cu prensa, y el a bisa cu na e Aseguro Medico General, nan tin 3 prioridad.
Prome ta placa, di dos ta placa, y prioridad number 3 ta placa tambe.

Asina AZV a bira tambe awendia! Siendo cu den eleccion, e Ministro a bin cu campaña pa introduci cambio di cuido medico.
Pero kico a pasa? Nada. E promesanan di Ministro a keda morto.

Lamentablemente pacient no ta central mas na Aruba. Tur cos ta draai rond di placa.
Den e asunto di Dr. Rivera, pacientnan ta convenci cu no a detecta ningun iregularidad. Djis e ta pidi pacientnan pa haci test
(cu ta costoso), y AZV ta contra esey, siendo cu e ta na bienestar di pacient.
Contrario na Docternan Europeo, ta dunabo remedi sin sa sikiera ki malesa exactamente bo tin. Nan ta djis duna remedi pa
loco.
Pero Mediconan latino ta haci testnan necesario, y despues ta bisabo kico bo tin of dunabo remedi.
Ni su calidad di cuido medico, no ta interesa na prome lugar door di AZV. Dr. Rivera a comete ningun iregularidad. Prome cu
e bisa kico lo bo tin, ta mandabo haci prueba. Mi prefera pa tin un prueba costoso pa mi sa kico mi tin, envez cu Docter dunami
remedi robez.

http://www.diario.aw/2016/03/azv-ta-parce-di-ta-interesa-solamente-den-placa-placa-placa/