Page 2 - AM210630

2 AWEMainta
Partidonan chikito no por ta yabi of tin e ”hoogste woord”
De lo contrario MEP y AVP bay oposicion y
laga e chikitonan cu 5 asiento goberna
Brindanan sosten ora cu mester
NI Partido MAS of RAIZ hunto cu ACCION 21 tabata
e ganadotnan di e proceso electoral 2021 cu a tuma
lugar diabierna ultimo, ya cu en total e tres partidonan
aki a logra cinco asiento en total, pues cu no ta forma e
mayoria den Parlamento.
Sinembargo reaccion di e
tres lidernan di e partido aki,
ta dunando e impresion cu ta
nan ta bay forma Gobierno,
cu ta nan t’e yabi di e proximo
Gobierno di coalicion,
cu ta un mentalidad of forma
di pensa cu nan mes a pidi pa
cambia durante di campaña
tras di lomba.
Nan a grita pa cambio, nan a pidi pa kibra cu e politica
tradicionalista di e dos partidonan grandi, pero diabi-
erna ultimo no solamente pueblo a manda un mensahe
un bes mas bon cla cu e ta sostene grandemente e dos
partidonan politico grandi aki cu ta MEP y AVP, pero
na mes momento no a duna mandato n’e tres parti-
donan chikito aki.
For di momento cu resultado di eleccion a bira conoci,
tabata e tres partidonan chikito aki cu ta enfoke di at-
encion, halando tur atencion pa nan banda, pero sin cu
nan tin un sosten real di pueblo p’esaki.
Si hacu algun analisis di e resultado aki, por menciona
entre otro cu e tres lidernan, nan total di voto manera
Marisol Lopez Tromp di MAS cu 4191 voto personal,
Miguel Mansur di ACCION 21 cu 2019 voto personal y
Ursell Arends di Partido RAIZ cu 1939 voto personal,
nan tres ta yega na un total di 8149 voto personal.
Diaranson, 30 Juni 2021
Pueblo votador diabierna ultimo, a sostene e lider
di MEP, Evelyn Wever Croes cu 7518 voto personal,
mientras cu Mike Eman di AVP a logra un total di
6668 total di voto personal y nan dos hunto a logra e
sosten dii 14186 voto, cu ta 6037 mas cu e tres lidernan
di partidonan chikito.
Si analisa e total di votonan di e partidonan tin cu
menciona cu RAIZ, MAS y Accion 21, a logra un total
di 13.565 voto total ricibi den eleccion diabierna ulti-
mo, mientras cu Partido MEP y AVP, a ricibi sosten di
pueblo pa un total di 39.049 cu ta casi 66.7% di e total
di votonan emiti, cu ta bolbe mustra e diferencia im-
pactante di e dos partidonan grandi aki.
Ta un diferencia di 25.484 voto di diferencia y cu e tipo
di cifranan aki, t’e dos partidonan tin cu papia, ta nan
tin cu guia e proceso pa yega na un Gobierno nobo y
tin cu stop cu e comedia politico cu tin n’e momentonan
aki, caminda tin e impresion cu e tres chikitonan t’e
lidernan den e proceso pa formacion di un Gobierno
nobo.
Es mas e dos lidernan di tanto AVP y MEP, a haya
mas voto nan dos hunto cu e total di e tres partidonan
chikito aki, y a cu nan a ricibi 14.186 voto personal
nan dos, mientras cu e tres partidonan chikito total, a
totalidad 13.565 voto.
Pues e percepcion cu tin despues di eleccion cu ta par-
tidonan chikito tin e yabi y cu ta nan ta define kico ta
bay pasa, no a corecto.
Tambe lo ta interesante p’e dos partidonan grandi per-
miti e tres partidonan chikito aki asumi responsabili-
dad di gobernacion y sea e fraccion di MEP of esun di
AVP sostene nan den Parlamento p’asina nan tin un
mayoria, p’asina mira si nan lo tin e solucionnan p’e
pais aki.