Page 5 - AM210630
P. 5
Diaranson, 30 Juni 2021 AWEMainta 5
Buelo humanitario number 10 pa
hiba Venezolanonan regresa cas
GUARDA nos Costa (GnC) a logra facilita un otro buelo humani-
tario pa Venezuela. Ayera merdia a sali e di 10 buelo humanitario
for di Aruba pa Venezuela.
Richard Kramers, Director di Guarda nos Costa a confirma cu 87
Venezolano cu tabata deteni of tabatin meldplicht na Guarda nos
Costa a sali riba e buelo ey.
Entre nan tin cu djis a keda Aruba ilegalmente mas largo di locual
ta permiti pa ley y tabatin algun cu a expulsa, despues di a sinta
castigo pa un crimen cometi riba nos isla. E demas stoelnan den
e avion a bay cu 43 Venezolanonan cu boluntariamente kier a re-
gresa nan pais natal bek.
E buelo aki lo no tabata posibel sin cooperacion di Ministerio di
Husticia di Aruba, Consul General di Venezuela na Aruba, Depar-
tamento di Aviacion Civil, DIMAS, Departamento di Relacionnan
Exterior, IASA, Cuerpo Policial Aruba, Departamento di Finansa y
Guarda nos Costa. No por keda sin resalta e bon cooperacion ricibi
di LabHOH cu a facilita e testnan di Covid pa tur cu mester a subi
e avion pa regresa cas.
