Page 17 - AM221216

Diabierna, 16 December 2022 AWEMainta COMUNIDAD 17

Parlamentario Alvin Molina (MEP):

Agricultor ta duna bek na comunidad

urante aña mi a reuni cu varios agricultor

D cu tin e deseo pa aporta na un pilar nobo
pa nos economia. Di mes, e agricultornan tin
un meta comercial pa cu nan proyecto, pero
loke a resalta cerca cada un cu mi a cera con-

oci ta e deseo pa Aruba mes por provee mas
tanto posibel su mesun berdura y fruta pa asi-
na: 1) Logra un miho calidad, 2) Pa un miho
prijs y 3) E siguransa cu tin suficiente berdura

y fruta pa nos ciudadanonan.

Un ehempel bunita di esaki ta STR Farm na Alto
Vista. Banda di e tres puntonan menciona, nan

a construi un edificio na e farm cu ta destina
pa ta un scol pa educa specialmente mucha y
hobennan riba e tereno di agricultura.

Propietario di STR Farm ta haci esaki comple-
tamente gratis ‘free of charge’ pa e alumnonan
pa motiva nan pa construi den e industria aki.
Recientemente, STR Farm a haci un bunita

gesto na SABA y na Imeldahof door di regala
un cantidad di concomber cosecha aki na
Aruba mes.

lientenan di SABA y Imeldahof no sa haya
concomber pa come pasobra e ta un berdura
relativamente costoso. Tanto SABA y Imeldahof
a keda hopi contento cu e gesto. STR Farm lo

sondea e posibilidad pa sigui provee e berdura
aki pa e clientenan gosa di dje. Ta conoci cu tin
mas agricultor cu sa duna bek na comunidad.

Pa agricultornan por eleva e servicio cu nan ta
duna na pueblo di Aruba, agricultornan tambe
mester ricibi un cierto nivel di servicio. Di parti
di Gobierno, Santa Rosa tin un tarea hopi

importante den esaki. Santa Rosa mester bira
e autoridad central pa cu desaroyo di Sector
Primario.
E “network” di Santa Rosa mester ta asina

solido cu tur e stakeholders, e.o. United
Farmers Aruba, Douane, WEB, comercio,
DIMAS y DIP sa precies na ki manera nan por
contribui pa asina eleva nos Sector Primario

y ta motiva pa hacie. Mi lo sigui enfoca riba
esaki pa hunto nos logre.