Page 21 - AM221216

Diabierna, 16 December 2022
Preparacionnan p’e Concierto
‘Canto di Pasco’ na Noord
AWEMainta COMUNIDAD 21
we, dia 16 di december, Funda-
A cion Kapel di Bethania lo habri e
portanan di Klooster Imeldahof den un
ambiente di fin di aña y asina presen-
ta na publico un tremendo concierto di
Pasco.
Pa e anochi aki lo tin participacion di
diferente coro di Noord manera ‘Coro
Santa Anna’ bou direccion di Igmar
Maduro, ‘Coro di Hospital‘ y ‘Coro di
Pasco’ bou direccion di Tica Giel y Coro
di hobennan bou direccion di Linda
Figaroa. Tambe lo tin presentacion
di algun solista y e acompañamento
instrumental ta den mannan di musi-
conan di Noord. Nan tur lo deleita e
publico cu bunita cancionnan di Pasco.
Banda di e concierto aki lo tin un
bazaar, unda cu lo percura pa tin dife-
rente cuminda manera dushi sopi carni,
pan cu ham di Pasco, ayaca, cuminda
tempera, cos dushi y articulonan di
Pasco na benta. Tambe truck di “Piece
of cake dessert” lo ta presente y lo
trece special pa e anochi aki entre otro
“Oliebollen”
Grupo infantil di Noord ‘Angelnan di
Rosario’ lo interpreta e anochi aki un
bunita pesebre bibo.
E festividad aki lo ta for di 6or di atardi
te cu 10 di anochi y e entrada ta
completamente gratis.
Un danki special ta bay na nos comer-
ciantenan entre otro Setar N.V., Flora
Market Place y Romar Trading. Cu nan
contribucion por haci e evento aki
posibel, hunto cu nos boluntarionan pa
yuda drecha, dorna y prepara e edificio
pa e gran anochi.
Ta invita Aruba completo pa bin pasa
un anochi placentero y experiencia e
edificio monumental aki den su esfera
di Pasco di Nacemento.