Page 23 - AM221216

Diabierna, 16 December 2022 AWEMainta
Sentencia pa delitonan comete den trafico
WILLEMSTAD - Ciudadano E. Miguel su auto no tabata sigura dia 7
di october y pa tal motibo el a presenta den sala di corte diaranson
14 di december. Tambe e tabatin problema cu plachi di number
cu no tabata na e vehiculo. Hues mr, G. Verbeek a mustra riba e
riesgo di maneha un auto cu no ta sigura, principalmente si surgi
cualke accidente di trafico. Den tal caso mester puntra ken ta cubri
e gastonan cu por surgi? Fiscal mr. S. Ter Borg a demanda un boet
di Nafl. 450,— en total. Ta permiti e acusado paga den termino di 9
biaha, cu ta 9 x 50 florin.
Polisnan a constata ciudadano di fam Bonifacio dia 9 di october
coriendo auto sin faha di siguridad bisti, anto tambe glas di auto
tabata demasiado sucu. Den sala di corte el a trece argumentonan
padilanti, pero al final hues a bay di acuerdo cu demanda di fiscal,
esey ke men cu Bonifacio mester paga e boet cu fiscal a demanda.
Segun Bonifacio e tabatin su faha di siguridad bisti, persona ta e
persona cu tabata hunto cune den e vehiculo no. Final di e discu-
sion entre Bonifacio cu hues y fiscal ta cu Bonifacio toch mester
paga e boet cu polisnan a dun’e.
Ciudadano femenino di nacionalidad Haitiano den sala di corte,
kende dia 13 di october ultimo polisnan a constata cu e tabata
coriendo auto sin plachi di number. Den sala di corte e señora a
mustra cu tanto e como su casa a haci tur esfuerso na nan alcance,
presentando na e instancia concerni pa busca e plachi di number,
pero cada biaha tabata bis’e cu e plachi no ta cla ainda. Den sala di
corte e señora a mustra cu prueba por escrito cuanto esfuerso el a
haci. Entre tanto e plachi di number ta cla y tur su otro documen-
tonan rekeri ta corecto. Tanto fiscal como hues a haya cu e señora
no tin nodi di paga boet, pasobra e fayo comete di core sin plachi
di number no ta pa su motibo. Pues e señora por a regresa cas
diaranson sin cu e mester paga boet.
Chauffeur di fam Paula a hay’e cu dificultad pasobra dia 5 di october
ultimo polisnan a tene control y el a saca e documento cu ta demostra
cu su seguro ta paga, pero ta trata di un documento cu barcode y
polisnan no kier a acept’e. Den sala di corte diaranson a keda clara-
mente proba cu e seguro en berdad tabata paga for di yuni. Como
tal tanto fiscal señora ter Borg como hues mr. G. Verbeek a conclui
cu e boet cu polisnan a duna e señora no ta corecto, como tal e boet
no tin validez.
chauffeur si fam Schipper mester paga boet pasobra el a pasa den
luz di trafico cu na e momento ey lo tabata cora. Esaki a sosode dia
29 di november, pero Schipper a pretende cu esey absolutamente
no tabata e caso. Mas aleu Schipper a conta cu a pidie tur e docu-
mentonan cu ta concerni e vehiculo y ta na momento cu tur cos
tabata corecto a bis’e cu el a pasa den luz cora y polisnan a traha
un boet pe. Fiscal señora ter Borg a splica cu den e sistema aki por
lo menos 3 polis ta envolvi, pero na final ta solamente 1 agente poli-
cial so e chauffeur ta han’e cune, siendo na un otro punto para, otro
polisnan a vigila loke a pasa. Enfin, final di cuenta Schipper mester
paga un boet di Nafl.225,—.Si e no ta di acuerdo ta keda 2 siman pa
CORSOU 23
bay den apelacion.
Chauffeur di fam Hato dia 2 di november a staciona su auto na Sha
Caprilescade y a bin hay’e den un situacion cu e mester paga un boet.
Den sala di corte diaranson Hato a protesta, bisando cu tabatin mas
auto na e sitio, pero cu no a haya ningun boet. El a uza su telefon pa
mustra hues y fiscal un filmacion cu el a haci na e sitio pa proba cu
e trato cu el a haya no ta uno corecto, mustrando cu tabatin 2 auto
mas staciona na e sitio. Nan a bis’e cu su auto tabata staciona riba
acera. Segun Hato esey tabata motibo pa e bay protesta na warda
di polis na Punda, caminda el a mustra cu ey tambe tabatin autonan
staciona riba acera.
Tanto fiscal como hues a insisti cu Hato a faya cu reglanan di trafico
como tal e mester paga e boet di Nafl. 75,— Rabia Hato a bandona
sala di corte. Ciudadano Francois mester paga boet di Nafl.400,—
pasobra el a fia auto di un conoci core cu no tabata sigura. Den sala
di corte diaranson un ciudadano cu yama Francois, kende tin 54 aña
di edad a presenta den sala di corte debi cu dia 5 di september el a
maneha un vehiculo cu no tabata sigura. Segun Francois riba e fecha
ariba menciona e mester a hiba su yiu na un sitio, pero como cu su
auto tabata daña el a fia esun di su amigo, cu despues a resulta di
no ta sigura. Polisnan a par’e pa controla, pero Francois no por a
presenta e pruebanan cu e vehiculo ta sigura. Fiscal y hues a yama
atencion di Francois cu e mester a check prome cu tur e documen-
tonan di e auto ta cuadra. Una bes cu e no a haci esey, ta e ta den
violacion, como tal e mester paga e boet di 400 florin. Mas aleu
hues a bay di acuerdo pa laga Francois paga den termino di 8 biaha.
Martina no por core auto cu faha di siguridad debi na complicacionnan
na su curpa. Den sala di corte diaranson a presenta un ciudadano
di fam Martina di 33 aña di edad, kende dia 19 di september tabata
core auto riba Jan Norduynweg sin su faha di siguridad bisti. Motibo
cu e no por core auto cu faha di siguridad bisti, segun Martina ta
pasobra ta sali bultonan nan su curpa cu ta strob’e pone e faha na
su curpa. Martina a splica cu e faha di siguridad debidamente ta
primi riba e bultonan y esey ta causa dolor.
Den sala di corte diaranson Martina a hisa su t-shirt mustra hues
e bultonan na su curpa. Pero, tanto fiscal como hues a opina cu e
mester a atende cu dokter pa haya exoneracion pa bistimento di
faha di siguridad. Martina a trece padilanti cu su dokter di cas, cu el
a acerca, no a dun’e e papel ey, aunke el a pidi. Fiscal señora S. ter
Borg no obstante tur observacion di Martina a demanda un boet di
Nafl. 150,—., bisando cu ta Martina su deber di acerca un special-
ista y soru pa e ta dispone di e documentonan rekeri pa exonera-
cion.
Hues mr. G. Verbeek sinembargo a demanda un boet di Nafl. 150,—
pero condicional, anto mara na un periodo di prueba di 2 aña. Esey
ke men cu Martina mester soru rapidamente pa bishita un special-
ista y regla e documento concerni, sino e lo sigui haya boet cu e
biaha aki si e mester paga.