Page 13 - min.ttc aug 24,2015
P. 13
AWEMainta Dialuna, 24 Augustus 2015 17
Yegua yiu di Dulce Sueños
a yega for di Merca
“SERAPHINA de los Reyes” lo ta un di e
prominente yeguanan cu lo participa den
“Interpaso 2015”.
E potranca a yega riba buelo di AmeriJet
diahuebs mainta ultimo for di Miami. Na
januari ultimo el a cumpli 3 aña y e ta bin di
un raza fuerte, ya cu e ta yiu di Dulce Sueños
den Promesa de los Reyes.
Promesa ta yiu di Capitan den Prenda de los Reyes,
kende t’e mama di DaVinci de los Reyes.
E potranca tin John King como su criador.
E potranca color zaino a bin pa Myron Wever y e lo
ser monta den Interpaso pa Igor Kock, e montador
di Rancho Las Piedras.
E potranca ta priña p’e cabay Sublime, cu t’e cabay cu
a bira campeon mundial, yiu di Maraquero.
Den e ultimo competencia di Spectrum, Melanie Wever
a gana cu e potranca den Junior Performance.
E participacion di “Seraphina” sin duda algun ta au-
menta e perspectiva p’e competencia di yegua cu sigur
ta hopi competitivo mirando e calidad di yeguanan cu
tin inscribi.
Lo tin un 60 cabay ta competi den e prome dos dianan di
huzgamento y e ta parti casi igual entre yegua y macho.
E competencia di yegua ta diabierne.
