Page 17 - min.ttc aug 24,2015
P. 17
26 AWEMainta Dialuna, 24 Augustus 2015
Hopi hoben
a asisti n’e
audicion di Yo
Club p’e teleserie
Ciudad Oraño
DIASABRA cu a pasa, un grupo grandi di hoben y adulto a asisti n’e audicion di Yo
Club. Esaki tabata un oportunidad unico, audicion pa ta parti di un teleserie no ta
algo cu nos ta custumbra cu ne na Aruba.
Pa exactamente 5’or e portanan di INCBTR di Cas di Cutura a habri y a inicia di biaha
cu e audicion cu a bay segun e tempo plania.
Sin duda Aruba tin hopi hoben cu talento y Fundacion CINEARUBA ta contento di por
aporta como un plataforma p’e hobennan aki expresa y sigui desaroya nan talento.
Fundacion CINEARUBA t’e unico fundacion audiovisual cu pa medio di su proyectonan
di ficcion ta contribui n’e hoben su desaroyo social, educacional, artistico y cultural.
Fundacion CINEARUBA kier gradici tur hoben y personanan cu a asisti n’e audicion.
Tambe un danki special na tur e mayornan cu ta apoya nan yiunan y ta dunanan e
espacio pa por crece y explora e ‘art form’ aki.
Tur e miembronan existente di Yo Club un danki pa a yuda rib’e dia aki.
Pa diadomingo 30 di augustus lo publica e ‘call back list’ rib’e pagina di Facebook di
Yo Club.
Tur e participantenan selecta lo ricibi un preparacion rib’e tereno di actuacion den
e lunanan cu ta sigui pa despues na october incia cu e grabacionnan di e teleserie
Ciudad Oraño.
Fundacion CINEARUBA ta corda na tur esnan cu kier forma parti di e production crew
di e teleserie por inscribi riba www.yoclub.org p’e tayernan cu lo inicia na october.
Tambe ta bay tin tayernan di musica unda cu e participantenan lo crea canticanan
original p’e teleserie.