Page 26 - AHATA

ORANJESTAD (AAN): Bureau Rampenbestrijding Aruba (BRA) ta preocupa cu e echo cu
no ta tene e aspecto di seguridad di e turistanan na como un prioridad.

Si un emergencia of un calamidad sosode na Aruba, no tin un plan di accion concreto pa

atende cu e seguridad di e bishitantenan.

Relaciona cu esaki, Rino Hermans hefe di BRA a indica cu nan tin a tarea di mitiga un
risico cu a subi. Nan ta bezig ta estableciendo e contacto y pa scucha tur partner pa

asina hunto bin cu un concepto.

Esaki lo tin e meta cu pa durante un alerta di Meteo pa por mitiga of scapa bida di
hende. Pero e gasto financiero ta bay bin cune, a splica.

Tin varios punto di atencion cu ainda mester bay dedica na dje. Pero loke ta proyecta
pa Rampenbureau ta pa meymey di Maart 2020 mester por tin un bista di e parti aki cu
ta bezig.

Hermans a indica cu ta perdiendo bidanan banda di lama. Tabata tin casonan na Baby
Beach, Boca Catalina y Aruba ta hayando un publicidad negativo pa motibo di
negligencia di Aruba mes.

“No tin bandera, no tin un borchi cu ta bisa bo awe cu si e ta geel bo ta drenta riba bo
mesun risico of chens pa perde bo bida ta mas grandi”, a remarca.

Tin cosnan chikito cu mester duna atencion. E ta costa placa, pero ta bay scapa
economia cu accionnan chikito, a bisa.

Pa loke ta e parti operacional, caba biaha ora cu e departamentonan manera Polis,

Brandweer, Ambulans, no por domina mas e situacion, e departamento di Gobierno cu
ta duna prome auxilio ta drenta aden.

Pero e ta kere cu ariba e parti preventivo, “na momento cu Meteo ta bisa bo cu ta

esaki, nos kier pa bo haci esaki. E pida ey no ta existi ainda.

Hermans a splica cu por ehempel, e companianan di watersports no ta traha cu un
sistema segun BRA. Algun di nan si ta miembro di AHATA.