Page 32 - AHATA

Desde aña 2010, e grupo aki a amplia e cantidad di camber di hotel cu nan tin cu como
300%. Nan a cera 2019 cu mas di 24.000 camber, y operando bao di e ocho marcanan
di AMResorts na Mexico, Caribe, y Europa.

E compania ALG a logra di converti durante 2019 varios resort y marca, incluyendo
cinco hotel cu lo habri nan porta den 2020. Tambe a consolida e plataforma di
“Unlimited Vacation Club” y crea un departamento nobo di Responsabilidad Social
Corporativo (RSE).

E siman venidero ALG lo anuncia na Madrid durante e Feria Internacional di Turismo
(FITUR), nan strategia di negoshi y proyectonan di expansion. Desde 2019, e director
general di ALG ta Alejandro Reynal di Spaña, y e Presidente Ehecutivo ta e mexicano

Alex Zozoya.

E expansion di ALG durante 2019 a inclui e firmamento di acuerdo pa 18 resort nobo
den 13 mercado, a adkiri un marca nobo (Alua Hotels & Resorts), y a incorpora 5.256

camber na e hotelnan bao di e marca AMResorts.

Den e proyectonan nobo cu a firma, tin Secrets Baby Beach Aruba di 600 camber, y cu
ta bira e prome propiedad di e marca “Secrets Resorts & Spa” na e isla, y asina e total

di resort cu ta opera bao di e marca “Secrets” ta bira 18.

Grupo ALG via di AMResorts a inaugura tambe e dos prome propiedadnan di e marca
“Secrets Resorts & Spas” na Europa. Ta trata di Secrets Mallorca Villamil na luna di

Mei, y Secrets Lanzarote Resorts & Spa na December. Tur dos ta na Spaña.

Bao nan braza nan tin 31 proyecto, di cual 21 ta construccion nobo, 10 ta renobacion di
marca cu ta bay agrega mas di 10.000 camber na e inventario di AMResorts.

Awor nan ta mira cu e Resortnan cu nan a caba di habri na Spaña, ta funcionando
excepcionalmente bon. E exito di nan ta demostra e potencial grandi di sigui bin cu
mas resort den e area. Nan no tin duda cu Europa lo sigui crece.

https://www.diario.aw/2020/01/compania-di-hotel-na-baby-beach-a-anuncia-7-proyecto-hotelero-pa-
europa-tambe/