Page 53 - AHATA
P. 53
Organisacion Mundial di Salud cu exigencia
urgente
January 23, 2020
0
SHARE
Facebook
Twitter
- Advertisement -
Reto pa Aruba cu un debe di mas cu 600 Miyon durante tres decada
*Mester enfrenta peligernan nobo manera desafio di antibiotica
* Adaptacion na tecnologia pa evita “e gasto di no a haci nada”
ORANJESTAD(AAN)– Manera DIARIO a notifica algun siman pasa, un menasa nobo pa
salud publico a presenta su mes na mundo.
China, cu atrobe ta centro di un virus mortal nobo, ayera a anuncia cu el a cera porta
pa fronteranan cu regionnan caminda a registra pashentnan cu e virus. Poco laat pa
mundo cu a cuminsa sinti e efecto.
Ta sinembargo ocasion pa advertencianan serio di Organisacion Mundial di Salud pa e
proximo decada haya e atencion mereci.
E organisacion mundial, a presenta un pakete di urgencia pa mundo atende prome cu
2030. E pakete aki ta wordo considera di urgencia den un situacion mundial nobo den
cual no a inverti manera antes contra malesa, cu por pone economia na rudia.
