Page 54 - AHATA

Con Aruba ta bay atende cu e pakete nobo di exigencia di Organisacion Mundial di
Salud ta e pregunta. Aruba a drenta e decada nobo cu e realidad cu gobierno anterior
no a planifica Salud Publico segun realidad.

E forma iresponsabel cu gobierno anterior a atende Salud Publico y a introduci un
hospital nobo segun rapportnan cu ta parti di investigacion oficial, a crea pa Aruba un
debe di por lo menos 600 Miyon Florin cu mester paga durante e proximo 29 aña.

Ademas Aruba mester paga gastonan adicional pa asuntonan cu mester haya atencion
ainda y e gastonan di e calamidad cu a presenta na hospital tambe pa motibo di falta di
planificacion cu a haci cu no a proteha e sistema computerisa central di Hospital.

E exigencia nobo di Organisacion Mundial di Salud ta papia hustamente di loke ta pasa
ora no a atende na forma responsabel cu Cuido Medico.

E organisacion ta mustra riba e forma cu mester duna prioridad na asuntonan di salud

cu cambionan di clima cu lo afecta salud di hende.

Paisnan mester prepara nan mes pa por brinda bon cuido medico na momento di crisis
of conflicto cu ta afecta Salud Publico cu mester basa cuido medico riba normanan

husto pa tur miembro di comunidad.

Gobiernonan mester expande e acceso na remedi y evita cu enfermedad contagioso ta
plama.

Paisnan mester prepara nan mes pa epidemia cu por surgi den e proximo decada
mientras hende mester haya proteccion contra articulonan cu ta peligroso pa salud di
hende.

Mas inversion den hende cu ta yuda defende salud humano ta necesario mescos cu
accion contra peliger pa salud cerca hobennan.

Hende mester tin confiansa den e calidad di cuido medico cu e ta ricibi. Den e rapport ,
cu ta parce di ta tene bon cuenta cu e calamidad cu a dal Aruba na hospital, ta wordo
mustra riba pasonan cu mester wordo tuma pa adapta na tecnologia moderno.