Page 77 - AHATA

Turismo y entrada ilegal ta yuda malesa

contagioso

January 24, 2020
0
SHARE

Facebook

Twitter

Posibel prome caso di Corona Virus na Venezuela desmenti

*Trafico internacional ta exigi maximo prevencion na Aruba

*Ta conoci cu situacion na Venezuela ta yuda malesa plama

ORANJESTAD(AAN)–Mientras e organisacion mundial di Salud no ta papia di un
epidemia, den anuncionan cu el a haci ayera atrobe el a pidi tur pais pa yuda den e
prevencion di Corona Virus cu a wordo registra na varios pais.

E malesa ta causante di 17 caso conoci di morto na China, cu ta luga di origen di e
malesa.

Informacion adicional cu DIARIO a ricibi di su informantenan ta indica, cu na Aruba
publico mester sigui presta atencion na desaroyonan y informacionnan riba e menasa di
e virus.

Na Aruba tin aspectonan cu ta yuda plamamento di enfermedad contagioso.

Mester tene cuenta cu e informacion di e Organisacion Mundial pa Salud cu ta indica cu
e virus ta presente na paisnan cu cual Aruba tin conexion directo.

“Base economico di Aruba ta turismo,” informantenan a mustra. Turismo ta trece
bishitante for di tur parti di mundo, cu te ainda ta pendiente pa presencia di e virus sin
cu e sintomanan a presenta.