Page 78 - AHATA

E hecho cu Aruba ta ricibi diariamente biahero cu ta bini di paisnan cu conoce casonan
di Corona Virus, ta forma un peliger pa Aruba.

Na mes momento Aruba tin un problema grandi cu entrada ilegal di personanan cu ta

bini di paisnan conoce pa nan grado halto di enfermedad.

Uno di e paisnan aki sigur ta Venezuela, cu manera informacionnan ta indica, tin tur e
ingredientenan pa yuda enfermedad contagioso plama.

E nivel abou di higiena debi na e situacion social di e pais, e falta di bon cuido medico y
remedi adecua, e hecho cu un gran parti di e comunidad no ta informa di e peliger, ta
contribui na e riesgo cu e enfermedad por presenta su mes.

Na Venezuela ayera supuestamente e prome caso di e Virus lo a wordo registra na
Puerto Ordaz pero e informacion a wordo desmenti despues dor di instancianan oficial.

“Estadia ilegal for di tur pais ta un hecho na Aruba, caminda gobierno por tuma tur
medida pero publico ta yuda proteha entrada ilegal,” informantenan a adverti. Ta
conoci cu tin entrada ilegal na Aruba di paisnan cu a registra e virus. Personanan cu ta
yuda hende drenta Aruba na forma ilegal, ta yuda e posibilidad cu enfermedad ta haci

su entrada scondi na Aruba.

Origen di e enfermedad ta China, cu ta conoce un crecemento di e cantidad di
pashentnan cu a wordo afecta.

Aruba mester tene cuenta cu carni y articulonan di lechi cu e ta uza ya cu e enfermedad
ta plama di bestia pa hende.

No mester crea panico pero pueblo mester duna su cooperacion y publico mester asisti
instancianan oficial cu ta trata na evita entrada ilegal cu ta haci cu hende cu ta sufri
kebrante di salud no ta acudi na dokter pasobra nan ta ilegal na Aruba.

https://www.diario.aw/2020/01/turismo-y-entrada-ilegal-ta-yuda-malesa-contagioso/