Page 35 - MIN JUS OCT 23, 2015

A cuminsa procedura pa extradita Arubiano deteni na
Venezuela

Publication: Friday, 23 October 2015. Categoria: Judicial

Relaciona cu e caso grandi di labamento di placa den galiña

ORANJESTAD (AAN): E siman aki autoridad hudicial di Venezuela a cuminsa cu e procedura
pa extradite e Arubiano d S. cu ta deteni ariba peticion di Ministerio Publico relaciona cu e caso
grandi di labamento di placa den galiña.

PROCEDURA PA EXTRADITA: Matutino DIARIO tabatin combersacion cu e abogado di d S.
na Aruba, kende a splica cu pa algun siman caba ta siguiendo di serca e desaroyo pa cu e
extradiccion di su cliente.

DIARIO por a compronde cu tin dos forma cu por haci e procedura di extradiccion. Un ta cu e
sospechoso voluntariamente kier wordo extradita, cual ta haci cu e proceso ta cana mas liher. E
otro forma ta cu lo mester cuminsa un caso di extradicion cual lo bay tuma tempo.

Parce cu na Venezuela, autoridadnan ta exigi documentonan di Ministerio Publico di Aruba pa
asina por cuminsa cu e procedura. Apesar cu d S. voluntariamente kier bin Aruba, mester cana e
procedura di extradiccion.

Esey ta haci cu cosnan no ta bay asina liher manera a spera. Por a compronde tanto for di Fiscal
como e abogado cu entretanto e documentonan a yega Ministerio Publico di Venezuela y cu ta
den e fase caba pa trata e caso den Corte.

Algun siman pasa Fiscal, durante e caso pro forma di e placananan scondi den galiña prepara, a
bisa cu na Venezuela a detene e sospechoso d.S., kende ta den e procedura pa wordo extradita pa
Aruba.

Awor ta mustra cu e proceso ta canando y posiblemente e siman aki ainda e caso ta tuma lugar.
Si tur cos cana manera ta calcula, posiblemente pa otro siman lo tin claridad ki dia d S. lo wordo
extradita pa Aruba.

HULANDES MANDA HULANDA: Pa loke ta e Hulandes v.R. cu a keda deteni como
sospechoso den e caso aki tambe, el a wordo manda bek Hulanda. DIARIO por a compronde cu
e motibo cu v.R. a wordo manda bek Hulanda ta pasobra ta riba peticion di Ministerio Publico di
Hulanda el a wordo deteni na Aruba pero tin un otro caso tambe andando cu e ta wordo sospecha
di dje na Hulanda y pesey el a wordo manda bek.

No ta conoci cu pa dia di e caso cu ta na Februari 2016, v.R. lo ta na Aruba pa duna cuenta pa su
participacion den e labamento di placa den container di galiña.

http://www.diario.aw/2015/10/a-cuminsa-procedura-pa-extradita-arubiano-deteni-na-venezuela/