Page 23 - AM240829
P. 23
Diahuebs, 29 Augustus 2024 AWEMainta DEPORTE 23
P’e resto di e temporada 2024
Williams ta reemplasa Logan Sargeant cu Franco Colapinto
Franco Colapinto, actualmente competiendo den Formula
2, lo subi den e stoel di Sargeant cuminsando cu e Italian
Grand Prix na Monza. E promocion di Colapinto ta marca e
prome biaha cu un piloto Argentino lo core den Formula 1
desde 2001. Su entrada den F1 ta wordo anticipa cu interes,
como e ta trece un perspectiva fresco y potencial p’e team.
E salida di Sargeant for di Williams ta subraya e presion
y expectativanan halto den Formula 1, unda prestacion y
resultadonan ta primordial. Cu Colapinto awor den e stoel
di piloto, Williams ta spera di gana momentum y logra miho
resultadonan mientras e temporada 2024 ta progresa.
WILLIAMS Racing a anuncia un cambio significante den su
aliniacion di piloto, reemplasando Logan Sargeant cu Franco
Colapinto p’e resto di e temporada 2024 di Formula 1. E
decision ta bin despues di un periodo dificil pa Sargeant,
kende no tabata por a participa den e clasificacion di e Dutch
Grand Prix debi na un accidente durante practica.
Logan Sargeant, e unico Mericano riba e grid di F1, a lucha
durante su tempo cu Williams. A pesar di su debut promet-
edor na 2023, el a score solamente un punto den 36 careda.
Su unico punto a bin n’e 2023 United States Grand Prix, unda
el a termina na di 10 luga despues cu descualificacionnan
despues di e careda a eleva su posicion. E temporada aki,
su miho resultado tabata un terminacion na di 11 luga na
Silverstone. Su prestacion tabata inconsistente, marca p’e
falta di un careda debi na un cambio di chasis relaciona cu
un accidente di su compañero di team Alex Albon.
E decision pa baha Sargeant ta sigui un accidente den prac-
tica n’e Grand Prix na Hulanda, cual a conduci na su auto
wordo daña irreparabelmente. E team ya caba a anuncia cu
Sargeant lo no regresa na 2025, cu Carlos Sainz cla pa join
e team otro aña. E cambio aki a acelera e movecion pa trece
un piloto nobo p’e resto di e temporada.
