Page 7 - HOH

Diahuebs, 10 di Februari 2022|17

Foutnan cometi pa loke ta dieetnan!

1.Crash Diet (Perde Peso mucho hopi, mucho liher)

Bo kier baha 20lbs den un siman dus bo ta bai come masha tiki cuminda riba un
dia…bao di 1000 caloria pa dia. Bo por perde peso hacienda esaki pero esaki ta e
consequencianan:
-E peso cu ba perde ta musculo y NO VET
-Bo ta slow down bo metabolismo (bo curpa ta bai kima caloria masha poco poco)
-Bo lo subi e peso bek GARANTISA

2.Keda sin come (starvation) of sin come desayuno

Hopi di nos no ta come desayuno…sea pasobra a custuma di salta desayuno of
paso nos ta kere cu come menos ta e manera pa baha peso pero saltando un of
mas cuminda ta baha e cantidad di caloria pa dia cu persona mester cual ta con-
duci na perdemento di musculo y efecto negativo riba bo metabolismo. Saltando
desayuno, por duna bo hamber pa e resto di dia cu mayoria di biaha ta pone bo
come cosnan menos saludabel henter e dia ei y come di mas pa loke ta lunch of
dinner pa via cu bo a wanta hamber mainta. Miles di estudio ta mustra cu esnan
cu ta desayuno un cuminda saludabel mainta cu ta contene protein y fibra tin mas
chens di mantene un peso saludabel.

3.No come frecuentemente

Si bo come saludabel y frecuentemente, bo lo controla bo hamber miho y bo lo subi
bo metabolismo. Pues esaki kiermen come bo tres cuminda grandi nan (desayu-
no-lunch-dinner) y snack algo mei mei di nan. (pinda)

4.Bebe demasiado tiki awa

Esaki ta un di e foutnan cu mas facil nos por drecha cerca nos mes y pa nos mes.
Awa ta ESENCIAL pa kima caloria. No bebiendo suficiente awa, ta slow down bo
metabolismo cu ta slow down e proceso di kima vet. Bebe un glas di awa cu cada
cuminda y cu cada snack.

5.Elimina harinja (carbohidrato)

Esaki ta un di e tipo di dieetnan mas haci y un di e foutnan mas grandi cometi
tambe. E ta popular pasobra bo por perde peso (musculo y awa…no vet) y pa via
cu den bo mente bo ta comiendo menos cuminda. Pesei semper bo lo subi e peso
bek manera bo bai come segun bo habito personal atrobe. Elimina e carbohidra-
tonan simpel (pan blanco, bolo,kuki) pero come esnan complejo (batata dushi, pan
y arros whole grain).

6.Bebe demasiado caloria

Mayoria di biaha nos no ta paga tino cu cierto bebidanan ta contente hopi caloria.
Tin bebidanan cu tin mas cu 500 cal ma-
nera cierto kofienan y bebidanan alco-
holico sin conta refresconan y juicenan
jen di sucu.

7.Pone metanan irealistico

Manera ma menciona den punto 1….bo
kier baha 10 pa 20 lbs den un siman.
Simplemente bo ta poniendo bo mes
pa bai fracasa pasobra e ta e manera
INcorecto pa baha y casi imposibel pa
haci….y vooral imposibel pa mantene.
Si bo mester baha hopi, pone un meta
a termino largo y un cu ta realistic y al-
cansabel.